اَمثال 28:1-28
28 بُرے لوگ اُس وقت بھی بھاگتے ہیں جب کوئی اُن کا پیچھا نہیں کر رہا ہوتالیکن نیک لوگ شیر* کی طرح بےخوف ہوتے ہیں۔
2 جس ملک میں گُناہ* ہوتا ہے، اُس میں حاکم بدلتے رہتے ہیںلیکن سُوجھبُوجھ اور علم رکھنے والے مُشیر کی مدد سے حاکم لمبے عرصے تک حکمرانی کرتا ہے۔
3 جو غریب آدمی کسی ادنیٰ شخص کو ٹھگتا ہے،وہ اُس بارش کی طرح ہوتا ہے جو سارا اناج بہا لے جاتی ہے۔
4 جو لوگ قوانین کی خلافورزی کرتے ہیں، وہ بُرے شخص کی تعریف کرتے ہیںلیکن جو لوگ قوانین کی پابندی کرتے ہیں، وہ اُن پر بھڑک اُٹھتے ہیں۔
5 بُرا شخص اِنصاف کو نہیں سمجھ سکتالیکن جو لوگ یہوواہ کی رہنمائی حاصل کرنے کی کوشش کرتے ہیں، وہ سب کچھ سمجھ سکتے ہیں۔
6 جو غریب شخص وفاداری کی راہ پر چلتا ہے،وہ اُس امیر شخص سے بہتر ہے جو ٹیڑھی راہ پر چلتا ہے۔
7 سمجھدار بیٹا قوانین کو مانتا ہےلیکن پیٹپجاریوں کا ساتھی اپنے باپ کو شرمندہ کراتا ہے۔
8 جو سُود اور منافع سے اپنی دولت بڑھاتا ہے،اُس کی دولت اُس شخص کی ہو جائے گی جو غریبوں پر مہربانی کرتا ہے۔
9 جو قوانین کو ماننے سے اِنکار کرتا ہے،خدا اُس کی دُعا سے بھی گِھن کھاتا ہے۔
10 جو سیدھی راہ پر چلنے والے شخص کو بُری راہ پر ڈالتا ہے، وہ اپنے کھودے ہوئے گڑھے میں خود گِرے گالیکن بےاِلزام شخص کو وراثت میں اچھی چیزیں ملیں گی۔
11 امیر شخص اپنی نظر میں دانشمند ہوتا ہےلیکن سُوجھبُوجھ رکھنے والا شخص اُس کی اصلیت بھانپ سکتا ہے۔
12 نیک شخص کی جیت پر بڑا جشن منایا جاتا ہےلیکن بُرے شخص کو اِختیار ملنے پر لوگ چھپ جاتے ہیں۔
13 جو اپنے گُناہوں پر پردہ ڈالتا ہے، وہ کامیاب نہیں ہوگالیکن جو اِن کا اِقرار کرتا اور اِنہیں چھوڑ دیتا ہے، اُس پر رحم کِیا جائے گا۔
14 وہ شخص خوش رہتا ہے جو ہمیشہ چوکس رہتا ہے*لیکن جو اپنے دل کو سخت کر لیتا ہے، اُس پر مصیبت ٹوٹ پڑے گی۔
15 بےبس لوگوں پر حکمرانی کرنے والا بُرا حاکمغُرانے والے شیر اور حملہ کرنے والے ریچھ کی طرح ہوتا ہے۔
16 جس رہنما میں سُوجھبُوجھ نہیں ہوتی، وہ اِختیار کا غلط اِستعمال کرتا ہےلیکن جو بےایمانی کی کمائی سے نفرت کرتا ہے، اُس کی عمر لمبی ہوگی۔
17 جو شخص کسی* کے خون کا مُجرم ہوتا ہے، وہ قبر* میں جانے تک یہ بوجھ اُٹھائے بھاگتا پھرے گا۔
کوئی اُس کا ساتھ نہ دے۔
18 جو شخص پاک صاف زندگی گزارتا ہے، اُسے بچا لیا جائے گالیکن جو ٹیڑھی راہ پر چلتا ہے، وہ اچانک گِر پڑے گا۔
19 جو اپنی زمین میں کھیتیباڑی کرتا ہے، اُس کے پاس کثرت سے کھانا ہوگالیکن جو فضول کاموں میں لگ جاتا ہے، وہ غربت میں ڈوب جائے گا۔
20 وفادار شخص کو ڈھیر ساری برکتیں ملیں گیلیکن جو راتوں رات امیر بننا چاہتا ہے، وہ بےقصور نہیں رہ پائے گا۔
21 طرفداری کرنا غلط ہےلیکن شاید اِنسان روٹی کے ایک ٹکڑے کے لیے غلط کام کر بیٹھے۔
22 حسد* کرنے والا شخص دولت حاصل کرنے کے لیے بےتاب ہوتا ہےلیکن وہ اِس بات سے بےخبر ہوتا ہے کہ غربت اُسے دبوچ لے گی۔
23 جو شخص کسی کی اِصلاح کرتا ہے، اُسے بعد میں اُس شخص سے زیادہ پسند کِیا جاتا ہےجو اپنی زبان سے خوشامد کرتا ہے۔
24 جو اپنے ماں باپ کو لُوٹ کر کہتا ہے: ”اِس میں کوئی بُرائی نہیں،“
وہ اُس شخص کا ساتھی ہے جو تباہی مچاتا ہے۔
25 لالچی* شخص* جھگڑے کو ہوا دیتا ہےلیکن جو یہوواہ پر بھروسا کرتا ہے، وہ پھلے پھولے گا۔*
26 جو اپنے دل پر بھروسا کرتا ہے، وہ احمق ہےلیکن جو دانشمندی کی راہ پر چلتا ہے، وہ بچ جائے گا۔
27 جو غریب لوگوں کو دیتا ہے، اُسے کسی چیز کی کمی نہیں ہوگیلیکن جو اُنہیں دیکھ کر آنکھیں بند کر لیتا ہے، اُسے بہت سی لعنتیں ملیں گی۔
28 جب بُرے لوگوں کو اِختیار ملتا ہے تو لوگ چھپ جاتے ہیںلیکن جب وہ تباہ ہو جاتے ہیں تو نیک لوگوں کی تعداد بڑھتی ہے۔
فٹ نوٹس
^ یا ”جوان شیر“
^ یا ”بغاوت“
^ یا ”جو ہمیشہ خدا کا خوف رکھتا ہے“
^ لفظی ترجمہ: ”کسی جان“
^ لفظی ترجمہ: ”گڑھا“
^ یا ”لالچ“
^ یا شاید ”مغرور“
^ لفظی ترجمہ: ”جان“
^ لفظی ترجمہ: ”اُسے موٹا کِیا جائے گا۔“
