اَمثال 9:1-18
9 سچی دانشمندی نے اپنا گھر بنایا ہے؛اُس نے اِس کے سات ستون تراشے ہیں۔
2 اُس نے گوشت بنا لیا ہے؛*اُس نے اپنی مے ملا کر تیار کر لی ہے؛اُس نے کھانے کی میز بھی سجا دی ہے۔
3 اُس نے اپنی خادماؤں کو بھیجا ہےتاکہ وہ شہر کی بلندیوں سے یہ پکاریں:
4 ”جو ناتجربہکار ہیں، وہ اِدھر آئیں۔“
جن میں سمجھ کی کمی ہے، اُن سے وہ کہتی ہے:
5 ”آؤ، میرے ہاں روٹی کھاؤاور وہ مے پیو جو مَیں نے ملا کر تیار کی ہے۔
6 ناتجربہکاری* چھوڑ دو تاکہ تُم زندہ رہو؛سمجھ کی راہ پر آگے بڑھتے رہو۔“
7 جو مذاق اُڑانے والے کی اِصلاح کرتا ہے، وہ اپنی بےعزتی کراتا ہےاور جو کسی بُرے شخص کی درستی کرتا ہے، وہ نقصان اُٹھائے گا۔
8 مذاق اُڑانے والے کی اِصلاح نہ کرو ورنہ وہ تُم سے نفرت کرے گا۔
دانشمند شخص کی اِصلاح کرو تو وہ تُم سے محبت کرے گا۔
9 دانشمند شخص کو سکھاؤ تو وہ اَور دانشمند بن جائے گا۔
نیک شخص کو تعلیم دو تو وہ اپنے علم میں اِضافہ کرے گا۔
10 یہوواہ کا خوف دانشمندی کی شروعات ہےاور مُقدسترین خدا کا علم سمجھداری ہے۔
11 میری وجہ سے تمہاری زندگی کے دن بہت سے ہوں گےاور تمہاری عمر کے سال بڑھ جائیں گے۔
12 اگر تُم دانشمند بنو گے تو اِس میں تمہارا ہی فائدہ ہوگالیکن اگر تُم مذاق اُڑاؤ گے تو تُم اکیلے ہی اِس کا نتیجہ بھگتو گے۔
13 احمق عورت شور مچاتی رہتی ہے۔
وہ جاہل ہے اور کچھ بھی نہیں جانتی۔
14 وہ اپنے گھر کے دروازے پر بیٹھتی ہے،ہاں، وہ شہر کی اُونچی جگہوں پر بیٹھتی ہے
15 اور آنے جانے والوں کو بُلاتی ہے،ہاں، اُن کو جو اپنے راستے پر سیدھے جا رہے ہوتے ہیں۔
16 وہ اُن سے کہتی ہے: ”جو ناتجربہکار ہیں، وہ اِدھر آئیں۔“
جن میں سمجھ کی کمی ہے، اُن سے وہ کہتی ہے:
17 ”چوری کا پانی میٹھا ہےاور چوری چھپے کھانا کھانے کا مزہ ہی کچھ اَور ہے۔“
18 لیکن وہ نہیں جانتے کہ اُس کا گھر مُردوں کا گھر ہےاور اُس کے مہمان قبر* کی گہرائیوں میں پڑے ہیں۔
فٹ نوٹس
^ لفظی ترجمہ: ”اُس نے اپنا جانور ذبح کر لیا ہے؛“
^ یا ”ناتجربہکاروں کو“
^ عبرانی لفظ: ”شیول۔“ ”الفاظ کی وضاحت“ کو دیکھیں۔
