زبور 72:1-20
سلیمان کے بارے میں گیت۔
72 اَے خدا! بادشاہ کو اپنے قوانین* سکھااور بادشاہ کے بیٹے کو اپنے نیک معیاروں کی تعلیم دے۔
2 وہ تیرے نیک معیاروں کے مطابق تیرے بندوں کے حق میں بولےاور اِنصاف کے معیاروں کے مطابق تیرے ادنیٰ بندوں کا دِفاع کرے۔
3 پہاڑ لوگوں کے لیے امن* لائیںاور پہاڑیاں اُن کے لیے نیکی لائیں۔
4 وہ لوگوں کے سامنے ادنیٰ شخص کا دِفاع* کرے؛وہ غریبوں کے بچوں کو بچائےاور دھوکےباز کو کچل دے۔
5 جب تک سورج اور چاند رہیں گے،لوگ نسلدرنسل تیرا خوف رکھیں گے۔
6 بادشاہ اُس بارش کی طرح ہوگا جو کٹی ہوئی گھاس پر پڑتی ہے،بارش کی اُس بوچھاڑ کی طرح جو زمین کو سیراب کرتی ہے۔
7 اُس کی حکومت میں نیک لوگ پھلیں پھولیں گے*اور جب تک چاند رہے گا، ہر طرف امن ہی امن ہوگا۔
8 اُس کی رعایا* سمندر سے سمندر تکاور بڑے دریا* سے زمین کے چاروں کونوں تک پھیلی ہوگی۔
9 ریگستانوں میں بسنے والے اُس کے سامنے جھکیں گےاور اُس کے دُشمن خاک چاٹیں گے۔
10 ترسیس اور جزیروں کے بادشاہ اُسے نذرانے پیش کریں گے۔
سبا اور سیبا کے بادشاہ اُسے تحفے دیں گے۔
11 سارے بادشاہ اُس کے سامنے جھکیں گےاور سب قومیں اُس کی خدمت کریں گی
12 کیونکہ وہ اُن غریبوں کو بچائے گا جو مدد کی فریاد کرتے ہیںاور اُن کو بھی جو ادنیٰ ہیں اور جن کا کوئی مددگار نہیں ہے۔
13 وہ ادنیٰ اور غریب لوگوں پر ترس کھائے گااور غریبوں کی جان بچائے گا۔
14 وہ اُنہیں* ظلموستم سے چھڑائے گااور اُن کا خون اُس کی نظر میں بہت قیمتی ہوگا۔
15 بادشاہ جیتا رہے اور اُسے سبا کا سونا دیا جائے۔
اُس کے لیے لگاتار دُعائیں کی جائیں؛اُسے سارا دن دُعائیں دی جائیں۔
16 زمین پر بےحساب اناج ہوگا؛پہاڑوں کی چوٹیوں پر اناج کی بھرمار ہوگی۔
بادشاہ کی فصل لبنان کے درختوں کی طرح پھلے پھولے گیاور شہروں میں لوگ زمین کی گھاس کی طرح بڑھیں گے۔
17 اُس کا نام ہمیشہ قائم رہے؛جب تک سورج رہے، اُس کا نام بڑھتا جائے۔
اُس کے ذریعے لوگوں کو برکت ملے؛*سب قومیں اُسے خوشباش کہیں۔
18 اِسرائیل کے خدا یہوواہ کی بڑائی ہو؛اُس جیسے حیرانکُن کام کوئی نہیں کر سکتا۔
19 اُس کے عظیمُالشان نام کی تعریف ہمیشہ ہوتی رہے؛اُس کی شان پوری زمین پر پھیل جائے۔
آمین ثم آمین۔
20 یسی کے بیٹے داؤد کی دُعائیں یہاں ختم ہوتی ہیں۔
فٹ نوٹس
^ یا ”فیصلے“
^ یا ”خوشحالی“
^ یا ”اِنصاف“
^ لفظی ترجمہ: ”اُگیں گے“
^ یا ”حکومت“
^ یعنی دریائےفرات
^ لفظی ترجمہ: ”اُن کی جانوں کو“
^ یا ”لوگ اپنے لیے برکت حاصل کریں؛“
