یُوایل 1:1-20
1 یہوواہ کا یہ کلام فتوایل کے بیٹے یُوایل* پر نازل ہوا:
2 ”بزرگو! سنو؛ملک* کے سب باشندو! دھیان سے سنو۔
کیا تمہارے زمانے میں یا تمہارے باپدادا کے زمانے میںایسا کچھ ہوا ہے؟
3 اِس بارے میں اپنے بیٹوں کو بتاؤ؛تمہارے بیٹے اپنے بیٹوں کو بتائیںاور اُن کے بیٹے اگلی پُشت کو بتائیں۔
4 جو کچھ ہڑپنے والی ٹڈیوں سے بچا، اُسے ٹڈیدَل نے کھا لیا؛جو کچھ ٹڈیدَل سے بچا، اُسے بغیر پَروں والی ٹڈیوں نے کھا لیااور جو کچھ بغیر پَروں والی ٹڈیوں سے بچا، اُسے بھوکی ٹڈیوں نے کھا لیا۔
5 شرابیو! ہوش میں آؤ اور روؤ؛
مے پینے والو! تُم سب دھاڑیں مار مار کر روؤکیونکہ تمہارے مُنہ سے میٹھی مے چھین لی گئی ہے۔
6 میرے ملک پر ایک قوم نے حملہ کر دیا ہے جس کے لوگ طاقتور اور بےشمار ہیں؛
اُس کے دانت شیر کے دانتوں جیسے اور اُس کے جبڑے شیر کے جبڑوں جیسے ہیں۔
7 اُس نے میری انگور کی بیل تہسنہس کر دی ہےاور میرے اِنجیر کے درخت کا صرف مُڈھ* چھوڑا ہے؛اُس نے اُن کی پوری چھال اُتار کر اُنہیں اِدھر اُدھر پھینک دیا ہے
اور اُن کی ٹہنیوں کا صرف سفید حصہ چھوڑا ہے۔
8 تُم اُس کنواری* کی طرح دھاڑیں مار مار کر روؤجو اپنے دُلہے* کی موت پر ٹاٹ پہن کر ماتم کرتی ہے۔
9 یہوواہ کے گھر میں اناج کا نذرانہ اور مے کا نذرانہ آنا بند ہو گیا ہے؛یہوواہ کی خدمت کرنے والے کاہن ماتم کر رہے ہیں۔
10 کھیت اُجاڑ دیا گیا ہے؛ زمین سوگ منا رہی ہے؛اناج برباد کر دیا گیا ہے؛ نئی مے سُوکھ گئی ہے؛ تیل ختم ہو گیا ہے۔
11 کسان مایوس ہیں اور انگور کے باغوں کے مالی دھاڑیں مار مار کر رو رہے ہیںکیونکہ گندم اور جَو تباہ ہو گئی ہے؛کھیت کی فصل تہسنہس ہو گئی ہے؛
12 انگور کی بیل مُرجھا گئی ہے؛اِنجیر کا درخت سُوکھ گیا ہے؛
انار، کھجور، سیب بلکہ میدان کے سارے درخت سُوکھ گئے ہیں؛لوگوں کی خوشی شرمندگی میں بدل گئی ہے۔
13 کاہنو! ٹاٹ اوڑھ کر* ماتم کرو؛*قربانگاہ پر خدمت کرنے والو! دھاڑیں مار مار کر روؤ؛
میرے خدا کی خدمت کرنے والو! آؤ اور ٹاٹ اوڑھ کر رات گزاروکیونکہ تمہارے خدا کے گھر میں اناج کا نذرانہ اور مے کا نذرانہ آنا بند ہو گیا ہے۔
14 روزے کا اِعلان کرو؛ ایک خاص اِجتماع بلاؤ؛
اپنے خدا یہوواہ کے گھر میں بزرگوں اور ملک کے سب باشندوں کو اِکٹھا کرواور مدد کے لیے یہوواہ کو پکارو۔
15 افسوس کہ وہ دن آ رہا ہے!
یہوواہ کا دن قریب ہے!وہ دن لامحدود قدرت کے مالک کی طرف سے تباہی لائے گا!
16 ہماری آنکھوں کے سامنے سے کھانا اُٹھا لیا گیا ہے؛ہمارے خدا کے گھر سے خوشیاں اور جشن ختم کر دیا گیا ہے۔
17 بیلچے کے نیچے پڑے بیج* سُوکھ گئے ہیں؛
ذخیرہخانے اُجڑ گئے ہیں؛
گودام ڈھا دیے گئے ہیں کیونکہ اناج سُوکھ گیا ہے۔
18 مویشی بھی کراہ رہے ہیں؛
گائے بیلوں کے ریوڑ مارے مارے پھر رہے ہیں کیونکہ کوئی چراگاہ نہیں ہے؛
بھیڑوں کے گلّے سزا بھگت رہے ہیں۔
19 اَے یہوواہ! مَیں تجھے پکاروں گاکیونکہ آگ نے ویرانے کی چراگاہیں بھسم کر دی ہیںاور شعلوں نے میدان کے سارے درخت ہڑپ لیے ہیں۔
20 جنگلی جانور بھی تجھ پر آس لگائے ہوئے ہیںکیونکہ ندیاں سُوکھ گئی ہیںاور آگ نے ویرانے کی چراگاہیں بھسم کر دی ہیں۔“
فٹ نوٹس
^ معنی: ”یہوواہ خدا ہے۔“
^ یا ”زمین“
^ تنے کا نچلا حصہ
^ یا ”جوان عورت“
^ یا ”شوہر“
^ لفظی ترجمہ: ”کمر کَس کر“
^ یا ”چھاتی پِیٹو؛“
^ یا شاید ”خشک اِنجیر“
