یُوایل 3:1-21
3 ”کیونکہ دیکھو! اُن دنوں اور اُس وقتجب مَیں یہوداہ اور یروشلم کے لوگوں کو قید سے واپس لاؤں گا
2 تو مَیں ساری قوموں کو بھی جمع کروں گااور اُنہیں نیچے وادیِیہوسفط* میں لاؤں گا؛
وہاں مَیں اپنے بندوں اور اپنی وراثت اِسرائیل کی خاطراُن کی عدالت کروں گاکیونکہ اُنہوں نے میرے بندوں کو قوموں میں تتربتر کر دیااور میرے ملک کو آپس میں بانٹ لیا۔
3 اُنہوں نے میرے بندوں پر قُرعہ ڈالا؛اُنہوں نے جسمفروش عورتوں کے بدلے لڑکوں کو بیچااور مے پینے کے لیے لڑکیوں کو۔
4 اَے صور اور صیدا اور فِلسطیہ کے سب علاقو!تمہاری جُرأت کیسے ہوئی کہ تُم میرے ساتھ ایسا کرو ؟
کیا تُم مجھ سے کسی بات کا بدلہ لے رہے ہو؟
اگر تُم مجھ سے بدلہ لے رہے ہوتو مَیں فوراً تمہارا کِیا تمہارے سامنے لاؤں گا۔
5 تُم نے میرا سونا چاندی لے لیااور میرے بہترین خزانے اپنے مندروں میں لے گئے؛
6 تُم نے یہوداہ اور یروشلم کے لوگوں کو یونانیوں کے ہاتھ بیچ دیاتاکہ اُنہیں اُن کے علاقے سے دُور کر دو
7 اِس لیے مَیں اُنہیں اُس جگہ سے واپس لاؤں گا جہاں تُم نے اُنہیں بیچ دیا تھااور تمہارا کِیا تمہارے سامنے لاؤں گا۔
8 مَیں تمہارے بیٹے بیٹیوں کو یہوداہ کے لوگوں کے ہاتھ بیچ دوں گااور وہ اُنہیں دُوردراز رہنے والی قوم یعنی سبا کے لوگوں کو بیچ دیں گےکیونکہ یہوواہ نے خود یہ فرمایا ہے۔
9 قوموں میں یہ اِعلان کرو:
”جنگ کی تیاری کرو!* زورآور آدمیوں کو جوش دِلاؤ!
سارے فوجی آگے بڑھیں اور حملہ کریں!
10 اپنے پھالوں* کو پِیٹ کر تلواریں اور اپنی درانتیوں کو پِیٹ کر نیزے بناؤ۔
کمزور شخص کہے: ”مَیں طاقتور ہوں۔“
11 اِردگِرد کی سب قومو! آ کر جمع ہو جاؤ اور مدد کرو!““
اَے یہوواہ! اپنے زورآوروں* کو وہاں بھیج دے۔
12 ”قوموں کو جوش دِلاؤ اور وہ وادیِیہوسفط میں آئیںکیونکہ مَیں وہاں بیٹھ کر اِردگِرد کی سب قوموں کی عدالت کروں گا۔
13 درانتی چلاؤ کیونکہ فصل پک چُکی ہے؛
نیچے آؤ اور انگور روندو کیونکہ انگور روندنے کا حوض بھر گیا ہے؛
رس جمع کرنے کا حوض لبالب بھر گیا ہے کیونکہ اُن کی بُرائی بہت بڑھ گئی ہے۔
14 فیصلے کی وادی میں بِھیڑ ہی بِھیڑ ہےکیونکہ فیصلے کی وادی میں یہوواہ کا دن قریب ہے۔
15 سورج اور چاند تاریک ہو جائیں گےاور ستاروں کی روشنی بجھ جائے گی۔
16 یہوواہ صِیّون سے گرجے گا؛وہ یروشلم سے آواز بلند کرے گا
اور آسمان اور زمین لرز جائیں گےمگر یہوواہ اپنے بندوں کی پناہگاہ ہوگااور اِسرائیل کے لوگوں کا قلعہ۔
17 تُم جان جاؤ گے کہ مَیں تمہارا خدا یہوواہ ہوں جو اپنے مُقدس پہاڑ صِیّون پر رہتا ہوں؛
یروشلم ایک مُقدس جگہ بن جائے گااور اجنبی* اُس میں سے پھر کبھی نہیں گزریں گے۔
18 اُس دن پہاڑوں سے میٹھی مے ٹپکے گی؛پہاڑیوں سے دودھ بہے گااور یہوداہ کی سب ندیاں پانی سے بھر جائیں گی؛
یہوواہ کے گھر سے ایک چشمہ بہے گاجس سے کیکر کے درختوں کی وادی سیراب ہوگی۔
19 لیکن مصر اُجڑ جائے گااور ادوم اُجڑا ہوا ویرانہ بن جائے گاکیونکہ اُنہوں نے یہوداہ کے لوگوں پر ظلم ڈھایااور اُن کے ملک میں بےگُناہوں کا خون بہایا۔
20 مگر یہوداہ ہمیشہ آباد رہے گااور یروشلم نسلدرنسل۔
21 مَیں اُن کے خون کو بےقصور خیال کروں گاجسے مَیں نے بےقصور خیال نہیں کِیا تھا
اور مَیں یہوواہ صَیّون پر رہوں گا۔“
فٹ نوٹس
^ یہوسفط کا معنی ہے: ”یہوواہ منصف ہے۔“
^ لفظی ترجمہ: ”کے لیے پاک ہو!“
^ پھالا لوہے کا وہ نوکدار آلہ ہوتا ہے جو زمین جوتنے کے لیے ہل میں لگایا جاتا ہے۔
^ یا ”جنگجوؤں“
^ یا ”پردیسی“
