”اکٹھے کھانا کھانے کے فوائد“
”اکٹھے کھانا کھانے کے فوائد“
کیا آپ کا خاندان دن میں ایک بار اکٹھے کھانا کھاتا ہے؟ افسوس سے کہنا پڑتا ہے کہ آج کے تیز رفتار دَور میں بہتیرے خاندانوں کے لئے اکٹھے کھانا کھانا مشکل ہو گیا ہے۔ خاندان کے ساتھ اکٹھے کھانا کھانے سے نہ صرف جسمانی ضروریات پوری ہوتیں بلکہ اِس سے خاندانی رشتہ مضبوط ہوتا اور کھل کر باتچیت کرنے کا موقع بھی ملتا ہے۔
ایلگیرڈاس نامی ایک شخص اپنی بیوی ریما اور تین بیٹیوں کے ساتھ شمالی یورپ کے ملک لیتھونیا میں رہتا ہے۔ وہ کہتا ہے: ”اگرچہ مَیں صبح کام پر چلا جاتا ہوں اور ہماری بیٹیاں سکول چلی جاتی ہیں مگر ہم رات کا کھانا ضرور اکٹھے کھاتے ہیں۔ اِس وقت کے دوران، ہم دنبھر کے کاموں، مسئلوں، منصوبوں، اپنی پسند اور ناپسند کے بارے میں باتچیت کرتے ہیں۔ ہم اِس وقت پر روحانی گفتگو بھی کرتے ہیں۔ بِلاشُبہ، جب ہم اکٹھے کھانا کھاتے ہیں تو ایسے قیمتی لمحات ہمیں ایک دوسرے کے قریبتر لے آتے ہیں۔“
ریما بھی کہتی ہے: ”اپنی بیٹیوں کے ساتھ ملکر کھانا پکانے سے ہمیں کھل کر باتچیت کرنے کا موقع ملتا ہے۔ ہماری بیٹیاں ہمارے ساتھ باورچیخانے میں کام کرنے سے بہت خوش ہوتی ہیں اور وہ کھانا پکانے کے نتنئے طریقے بھی سیکھ رہی ہیں۔ پس، ہم سب اکٹھے کام کرنے سے بہت خوشی حاصل کرتے ہیں۔“
ایلگیرڈاس، ریما اور اُن کی بیٹیوں کو اکٹھے کھانا کھانے سے بہت سے فوائد حاصل ہوئے ہیں۔ اگر آپ ابھی تک ایسا نہیں کر پائے تو کیوں نہ کمازکم دن میں ایک وقت کا کھانا اکٹھے کھانے کا بندوبست کریں۔ اگر آپ اکیلے والد یا والدہ کے طور پر اپنے بچوں کی پرورش کر رہے ہیں تو آپ بھی ایسا کر سکتے ہیں۔ یاد رکھیں کہ اِس سلسلے میں آپ جو بھی قربانی دیں گے آپ کو اِس کا اجر بہت زیادہ ملے گا۔