”بچوں اور بڑوں دونوں کے لئے دلچسپ“
”بچوں اور بڑوں دونوں کے لئے دلچسپ“
● یہ الفاظ امریکہ کی ریاست نبراسکا میں رہنے والے ایک شخص نے اُس کتاب کے بارے میں لکھے جو اُس نے حال ہی میں پڑھی تھی۔ اُس نے لکھا: ”مَیں ۵۶ سال کا ہوں اور مَیں غیرشادیشُدہ ہوں۔ مَیں نے کتاب عظیم اُستاد سے سیکھیں پڑھی ہے۔ مَیں یہ دیکھ کر حیران ہوں کہ آپ نے کتنی خوبصورتی سے اِس کتاب کو بچوں اور بڑوں دونوں کے لئے دلچسپ بنایا ہے۔“ اُس نے مزید کہا: ”اِس کتاب کی تصویریں بھی زبردست ہیں۔ میرے خیال میں اگر میرے بچے ہوتے تو مَیں اُن کے ساتھ تصویروں پر بات کرنے میں اُتنا ہی وقت لگاتا جتنا کہ کہانی پڑھنے میں۔“
امریکہ کی ریاست جارجیا میں رہنے والی ایک خاتون نے بھی کتاب عظیم اُستاد سے سیکھیں کے بارے میں لکھا: ”میری بھانجی چھ سال کی ہے اور اُس کا نام ایوری ہے۔ ایک دن وہ یہ کتاب اپنے ہمجماعتوں کو دکھانے کے لئے سکول لے گئی۔ اُس نے اپنے ہمجماعتوں کو اِس کتاب میں سے ایک کہانی پڑھ کر سنائی۔ اِس سے اُس کی اُستانی بہت متاثر ہوئی اور اُس نے ایوری سے کہا کہ وہ ہر دن کلاس میں اِس کتاب کی ایک کہانی پڑھ کر سنائے۔“ ایوری کی خالہ نے مزید کہا: ”یوں ایوری کو اپنی اُستانی اور ہمجماعتوں کو خدا کے بارے میں بتانے کا شاندار موقع ملا۔“
اِس کتاب کے ۲۵۶ صفحے ہیں اور اِس میں بہت سی خوبصورت تصویریں ہیں۔ اگر آپ یہ کتاب حاصل کرنا چاہتے ہیں تو اِس کوپن کو پُر کرکے اِس رسالے کے صفحہ ۵ پر دئے گئے کسی موزوں پتے پر بھیجیں۔
□ برائےمہربانی مجھے یہ کتاب بھیجیں۔
□ برائےمہربانی کسی ایسے شخص کو بھیجیں جو مجھے خدا کے کلام سے تعلیم دے سکے۔
[صفحہ ۳۲ پر تصویر کی عبارت]
سامری آدمی ایک اچھا پڑوسی کیوں ثابت ہوا؟
