بادشاہتی مُناد رپورٹ دیتے ہیں

نیدرلینڈز میں ہر قسم کے لوگوں کی مدد کرنا

ابرہام غیرمعمولی ایمان کا مالک تھا۔‏ ”‏جب [‏اسے]‏ بلایا گیا،‏“‏ پولس رسول بیان کرتا ہے،‏ تو ابرہام نے خدا کی بات کی تعمیل کی اور ”‏اگرچہ جانتا نہ تھا کہ [‏وہ]‏ کہاں جاتا [‏ہے]‏ توبھی روانہ ہو گیا۔‏“‏ اپنے سارے خاندان کیساتھ نقل‌مکانی کرنے کے بعد،‏ ابرہام نے اپنی زندگی کے باقی سو سال تک ”‏ملکِ‌موعود میں .‏ .‏ .‏ مسافرانہ طور پر بودوباش کی۔‏“‏​—‏⁠عبرانیوں ۱۱:‏۸،‏ ۹‏۔‏

اسی طرح آجکل،‏ بہتیرے یہوواہ کے گواہوں نے دوسرے مُلک میں منتقل ہونے کے چیلنج کو قبول کِیا ہے تاکہ جہاں ضرورت زیادہ ہے وہاں خدمت کر سکیں۔‏ دیگر نے فرق زبان سیکھی ہے تاکہ وہ ان غیرملکیوں کو گواہی دے سکیں جو ان کے مُلک میں نقل‌مکانی کرکے آئے ہیں۔‏ جیسے کہ مندرجہ‌ذیل تجربات ظاہر کرتے ہیں کہ اس روح نے نیدرلینڈز میں جہاں کے ڈیڑھ کروڑ لوگوں میں سے دس لاکھ لوگ دوسرے ممالک سے آئے ہیں ”‏ایک وسیع اور کارآمد دروازہ“‏ کھول دیا ہے۔‏​—‏⁠۱-‏کرنتھیوں ۱۶:‏۹‏۔‏

□ ایک سابقہ کنگ‌فو انسٹرکٹر بہرام،‏ مشرقِ‌وسطیٰ کے ایک مُلک سے تعلق رکھتا ہے۔‏ اس نے بائبل اور واچ ٹاور کی کچھ مطبوعات حاصل کیں۔‏ ایک ماہ کے اندر،‏ بہرام نے پہچان لیا کہ اس نے سچائی پا لی ہے۔‏ اسکی بیوی اور اس کیساتھ مطالعہ شروع ہو گیا مگر ایک مسئلہ تھا​—‏⁠انکو بائبل سکھانے والا انکی زبان نہیں بول سکتا تھا۔‏ اُنہیں یاد ہے کہ وہ ”‏ہاتھوں اور پاؤں کے ساتھ“‏ اشارے کرتے ہوئے آپس میں گفتگو کرتے تھے۔‏ وقت آنے پر،‏ بہرام اور اسکی بیوی کو ایک کلیسیا کا پتہ چل گیا جہاں انکی ملکی زبان بولی جاتی تھی اور اسکے بعد انہوں نے تیزی سے ترقی کی۔‏ بہرام اس وقت بپتسمہ‌یافتہ گواہ ہے۔‏

□ ایک ڈچ پائنیر جوڑا ایک انڈونیشیائی آدمی کے پاس گیا جو ایک سُپر مارکیٹ کے سامنے کھڑا تھا۔‏ جب اُس جوڑے نے اس شخص سے اس کی زبان میں بات‌چیت کی تو وہ خوش ہونے کے ساتھ ساتھ حیران بھی ہوا۔‏ اس کے بعد اُسکے گھر پر اُس سے بات‌چیت کرنے کے انتظامات کئے گئے۔‏ یہ دریافت کِیا گیا کہ وہ روس میں ۲۰ سال سے زائد عرصہ رہ چکا ہے جس کے دوران وہ ایک گائناکالوجسٹ بن گیا۔‏ وہ خود کو دہریہ ظاہر کرتا تھا مگر وہ تسلیم کرتا ہے کہ وہ ہر بچے کی پیدائش پر حیرانی کے عالم میں اس سوچ میں ڈوب جاتا تھا کہ ”‏انسانی جسم کسقدر کامل ہے!‏ کتنا بڑا معجزہ!‏“‏ وہ بائبل کا مطالعہ کرنے پر رضامند ہوگیا اور جلد ہی یقین کرنے لگا کہ ایک خالق ہے جو نوعِ‌انسان کی فکر کرتا ہے۔‏ (‏۱-‏پطرس ۵:‏۶،‏ ۷‏)‏ اس وقت وہ بپتسمہ‌یافتہ بھائی ہے اور ایمسٹرڈم میں انڈونیشیائی کلیسیا میں خدمت انجام دیتا ہے۔‏

□ روٹرڈم میں،‏ جو دُنیا کی سب سے بڑی بندرگاہوں میں سے ایک ہے،‏ پائنیروں کے ایک گروہ نے ایسے مختلف زبانیں بولنے والے لوگوں کو منادی‌کرنے کے کام میں مہارت حاصل کر لی ہے جو ہر روز بندرگاہ پر آتے تھے۔‏ منادوں کے اس گرمجوش گروپ کی کارگزاری کے نتیجے میں،‏ ایک کیپٹن،‏ ایک بحری افسر اور سابقہ باڈی‌گارڈ سمیت بحری جہاز پر کام کرنے والے کئی لوگوں نے سچائی قبول کر لی ہے۔‏ اس وقت وہ بھی پوری دنیا میں خدا کی بادشاہت کی خوشخبری پھیلانے میں مدد کرتے ہیں۔‏​—‏⁠متی ۲۴:‏۱۴‏۔‏

دُنیا کے دیگر حصوں کی طرح،‏ نیدرلینڈز میں بھی یہوواہ کے گواہ ہر قوم،‏ قبیلے،‏ اہلِ‌لغت اور اُمت کو ابدی خوشخبری سنانے میں اپنا حصہ ادا کرنے میں پُرعزم ہیں۔‏​—‏⁠مکاشفہ ۱۴:‏۶‏۔‏