سوالات از قارئین
سوالات از قارئین
کلسیوں ۱:۱۶ خدا کے بیٹے کی بابت کہتی ہے کہ ”سب چیزیں اُسی کے وسیلہ سے اور اُسی کے واسطے پیدا ہوئی ہیں۔“ کس مفہوم میں سب چیزیں خدا کے بیٹے، یسوع کے ”واسطے“ پیدا ہوئی ہیں؟
یہوواہ نے یسوع کے علاوہ، تمام چیزوں کی تخلیق کیلئے اپنے اکلوتے بیٹے کو ماہِرکاریگر کے طور پر استعمال کِیا۔ (امثال ۸:۲۷-۳۰؛ یوحنا ۱:۳) لہٰذا بیٹا بجا طور پر ان کاموں سے خوشی حاصل کرتا ہے اور اس مفہوم میں یہ اس کے ”واسطے“ ہیں۔
ہم جانتے ہیں کہ انسانی والدین اپنی اولاد سے جنہیں اُنہوں نے جنم دیا ہے خوشی کی توقع کرتے ہیں اور اکثر اُنہیں خوشی حاصل ہوتی ہے۔ لہٰذا، بائبل مثل ایک ”بیٹے“ کی بابت کہتی ہے ”جس سے [اس کا باپ] خوش ہے۔“ (امثال ۳:۱۲؛ ۲۹:۱۷) اسی طرح یہوواہ خدا اسرائیل سے خوش ہوا جب اس کے لوگ وفادار تھے۔ (زبور ۴۴:۳؛ ۱۱۹:۱۰۸؛ ۱۴۷:۱۱) وہ آج بھی اپنے لوگوں کی وفاداری سے خوش ہوتا ہے۔—امثال ۱۲:۲۲؛ عبرانیوں ۱۰:۳۸۔
لہٰذا، خدا کے سلسلے میں یہ درست تھا کہ اس کا ساتھی کارکُن، یسوع، اس کی کامرانیوں سے خوشی حاصل کرے۔ درحقیقت، امثال ۸:۳۱ بیان کرتی ہے کہ بیٹا ”آبادی کے لائق زمین سے شادمان“ تھا۔ کلسیوں ۱:۱۶ اسی مفہوم میں کہتی ہے کہ ”سب چیزیں اُسی کے وسیلہ سے اور اُسی کے واسطے پیدا ہوئی ہیں۔“