کیا آپ کو یاد ہے؟
کیا آپ کو یاد ہے؟
کیا آپ نے ”مینارِنگہبانی“ کے حالیہ شماروں کو پڑھنے سے لطف اُٹھایا ہے؟ پس، آئیے پھر دیکھیں کہ آپ مندرجہذیل سوالوں کے جواب دے سکتے ہیں:
• جرمنی کی وفاقی آئینی عدالت میں مذہب سے متعلق کونسی قانونی فتح حاصل کی گئی؟
عدالت نے یہوواہ کے گواہوں کے خلاف ایک منفی فیصلے کو رد کرتے ہوئے انہیں قانونِعامہ کی کارپوریشن کے طور پر تسلیم کِیا۔ اس فاتحانہ فیصلے کے مطابق، ’ایمان کے تقاضوں‘ کو ملکی قوانین پر ترجیح دینا مذہبی آزادی کی حدود میں ہے۔—۱۵/۸، صفحہ ۸۔
• ایوب نے کتنے عرصے تک تکلیف اُٹھائی؟
ایوب کی کتاب میں یہ اشارہ نہیں ملتا کہ اُس نے کئی سالوں تک تکلیف برداشت کی۔ ایوب کی تکلیف اور اُسکی بحالی کو شاید کچھ مہینے یا ایک سال سے بھی کم عرصہ لگا ہوگا۔—۱۵/۸، صفحہ ۳۱۔
• ہم یہ یقین کیسے رکھ سکتے ہیں کہ ابلیس محض ایک خیالی ہستی نہیں؟
یسوع مسیح کے نزدیک ابلیس ایک حقیقی ہستی تھا۔ یسوع کی آزمائش اُسکے اندر کسی باطنی بدی کی بجائے ایک حقیقی شخص نے کی تھی۔ (متی ۴:۱-۱۱؛ یوحنا ۸:۴۴؛ ۱۴:۳۰)—۱/۹، صفحہ ۵، ۶۔
• امثال ۱۰:۱۵ بیان کرتی ہے: ”دولتمند کی دولت اُس کا محکم شہر ہے۔ کنگال کی ہلاکت اُسی کی تنگدستی ہے۔“ یہ بات کیسے سچ ثابت ہوئی ہے؟
دولت زندگی کی بعض بےثبات حالتوں میں تحفظ فراہم کر سکتی ہے جسطرح کسی فصیلدار شہر میں رہنے والے خود کو کسی حد تک محفوظ محسوس کرتے ہیں۔ نیز غربت غیرمتوقع حالات میں تباہکُن ہو سکتی ہے۔—۱۵/۹، صفحہ ۲۴۔
• انوس کے زمانہ میں لوگ کس مفہوم میں ”یہوؔواہ کا نام لیکر دُعا کرنے لگے۔“ (پیدایش ۴:۲۶)
الہٰی نام انسانی تاریخ کی ابتدا ہی سے استعمال ہو رہا تھا؛ تاہم انوس کے زمانہ سے یہوواہ کا نام لیکر دُعا کرنے کے عمل کا آغاز ایمان کیساتھ نہیں ہوا تھا۔ انسانوں نے اپنی ذات یا اُن اشخاص کیلئے خدا کا نام استعمال کِیا ہوگا جن کے ذریعے وہ خدا کی پرستش کرنے کا بہانہ کرتے تھے۔—۱۵/۹، صفحہ ۲۹۔
• بائبل میں لفظ ”تنبیہ“ کا استعمال کیا مفہوم پیش کرتا ہے؟
یہ لفظ کسی قسم کی بدسلوکی یا ظلم کا مفہوم پیش نہیں کرتا۔ (امثال ۴:۱۳؛ ۲۲:۱۵) ”تنبیہ“ کے لئے یونانی لفظ بنیادی طور پر ہدایت، تعلیم، اصلاح اور بعضاوقات سخت مگر پُرمحبت تادیب کا حوالہ دیتا ہے۔ والدین کا اپنے بچوں کیساتھ اچھا رابطہ رکھنے کی کوشش کرنا یہوواہ کی نقل کرنے کا ایک اہم طریقہ ہے۔ (عبرانیوں ۱۲:۷-۱۰)—۱/۱۰، صفحہ ۸، ۱۰۔
• آجکل سچے مسیحی خدا کی حکمرانی کی حمایت کیسے کرتے ہیں؟
خدائی بادشاہت کی حمایت کرتے ہوئے یہوواہ کے گواہ سیاست میں حصہ نہیں لیتے اور نہ ہی بغاوت کو ہوا دیتے ہیں، وہ پابندی والے ممالک میں بھی ایسا نہیں کرتے۔ (ططس ۳:۱) وہ یسوع اور اُسکے ابتدائی شاگردوں کی طرح دیانتداری، اخلاقی پاکیزگی اور کام کی اچھی عادات جیسی بائبل کی صحتمندانہ اقدار اپنانے میں لوگوں کی مدد کرنے کی کوشش کرتے ہیں۔—۱۵/۱۰، صفحہ ۶۔
• اینڈیز میں زندگیبخش پانی کیسے بہتا ہے؟
یہوواہ کے گواہ دو مقامی زبانوں، کیوچوآیا اور ایمارا میں بائبل سچائی لوگوں تک پہنچانے کی کوشش کر رہے ہیں۔ گواہ ٹیٹیکاکا جھیل کے جزائر اور جھیل میں اُگنے والے آبیسبزے سے بنے ”ترن“ جزائر کے چبوتروں پر رہنے والے لوگوں کو بادشاہتی پیغام سنا رہے ہیں۔—۱۵/۱۰، صفحہ ۸-۱۰۔
• جدید ہوائیجہازوں میں کمپیوٹر کے راہنمائی نظام کی طرح خدا نے ہماری راہنمائی کے لئے کیا فراہم کِیا ہے؟
خدا نے انسانوں کو اخلاقی راہنمائی کی لیاقت اور ایک باطنی اخلاقی حس عطا کی ہے۔ یہ ہمارا موروثی ضمیر ہے۔ (رومیوں ۲:۱۴، ۱۵)—۱/۱۱، صفحہ ۳، ۴۔
• یسوع کی موت گرانقدر کیوں ہے؟
کامل انسان آدم نے گناہ کرنے سے اپنے اور اپنی اولاد کیلئے انسانی زندگی کھو دی۔ (رومیوں ۵:۱۲) ایک کامل انسان کے طور پر یسوع نے اپنی انسانی زندگی کا فدیہ فراہم کِیا جو ایماندار انسانوں کیلئے ہمیشہ کی زندگی حاصل کرنے کو ممکن بناتا ہے۔—۱۵/۱۱، صفحہ ۵-۶۔
• کلسیوں ۳:۱۱ میں متذکرہ سکوتی کون تھے؟
سکوتی ایک خانہبدوش قوم تھی جس نے یوریشیا کے وسیع صحراؤں پر تقریباً ۷۰۰ سے ۳۰۰ ق.س.ع. تک اپنا اختیار قائم رکھا۔ وہ ہیبتناک گُھڑسوار اور جنگجو سپاہی تھے۔ کلسیوں ۳:۱۱ میں کسی مخصوص قوم کی بجائے نہایت ہی وحشی لوگوں کی طرف اشارہ ہے۔—۱۵/۱۱، صفحہ ۲۴، ۲۵۔
• ہم یہ کیسے کہہ سکتے ہیں کہ زریں اُصول وہ تعلیم ہے جس پر ہمیں باقاعدہ توجہ دینی چاہئے؟
اس اخلاقی اُصول کا ذکر یہودیت، بدھمت، یونانی فیلسوف اور کنفیوشس کے نظریات میں ملتا ہے۔ تاہم پہاڑی وعظ میں یسوع کی ہدایت مثبت کاموں کا تقاضا کرتی ہے اور ہر زمانے میں ہر جگہ لوگوں پر اثرانداز ہوتی ہے۔ (متی ۷:۱۲)—۱/۱۲، صفحہ ۳۔