آپکو حقیقی تحفظ کہاں مل سکتا ہے؟
آپکو حقیقی تحفظ کہاں مل سکتا ہے؟
مغربی افریقہ کے ایک چھوٹے سے گاؤں کا نوعمر زوزوی اپنے خاندان اور دوستوں کو خیرباد کہہ کر مالی تحفظ کی خاطر ایک بڑے شہر منتقل ہو جاتا ہے۔* تاہم، شہر پہنچنے پر اُسکی اُمید پر پانی پھر جاتا ہے کیونکہ وہ دیکھتا ہے کہ شہر کی سڑکیں سونے کی بنی ہوئی نہیں ہیں۔
خود کو شہری زندگی کے مطابق ڈھالنے کی کوشش میں زوزوی یکسر مایوس ہو جاتا ہے۔ بڑا شہر اُسکی توقعات کے بالکل برعکس تھا۔ اسی دوران، اُسکا دل اپنے خاندان اور دوستوں کے پاس واپس جانے کیلئے بیتاب ہو جاتا ہے جنہیں وہ اپنے چھوٹے سے گاؤں میں چھوڑ آیا تھا۔ لیکن اُسے ڈر تھا کہ گاؤں کے بعض لوگ اُسکا تمسخر اُڑائینگے۔ وہ پریشان ہے کہ ’شہر میں کچھ نہ بن پڑنے سے وہ مجھے ایک ناکام شخص کہیں گے۔‘
اُسکے دل پر سب سے زیادہ اس بات کا بوجھ تھا کہ اُسکے والدین کیا محسوس کرینگے۔ وہ مالی امداد کیلئے اُس پر آس لگائے ہوئے ہیں۔ اس جذباتی بوجھ سے نپٹنے کی کوشش میں وہ ایک ادنیٰ سا کام کرنے لگاتا ہے اور معمولی سی تنخواہ کے عوض زیادہ وقت کام کرتا ہے۔ کام کی زیادتی کی وجہ سے وہ تھک چکا ہے۔ علاوہازیں، ہر گزرنے والے ہفتے کیساتھ اُسکے نزدیک بیشقیمت مسیحی کارگزاریوں کیلئے وقت کم ہوتا جا رہا ہے۔ اپنے خاندان اور دوستوں کی شفقت سے محروم ہونے کی وجہ سے وہ افسردگی اور تنہائی کا شکار ہے۔ وہ محسوس کرتا ہے کہ شہر نے اُسے حسبِمنشا تحفظ نہیں دیا۔
نام اور مقامات مختلف ہو سکتے ہیں مگر زوزوی کی افسردہ کہانی باربار دہرائی جا رہی ہے۔ تاہم زوزوی نے خودغرضانہ خواہش کے تحت نقلمکانی نہیں کی تھی وہ تو محض تحفظ تلاش کر رہا تھا۔ اُس نے محسوس کِیا کہ اُس کیلئے چھوٹے سے گاؤں کی نسبت شہر میں زیادہ مواقع دستیاب ہونگے۔ بیشک، بعضاوقات، ایک شخص اپنی مالی حیثیت میں بہتری تو لا سکتا ہے لیکن اس سے حقیقی تحفظ حاصل نہیں ہوتا۔ زوزوی کے معاملے میں ایسا نہیں ہوا تھا اور غالباً دیگر ایسی ہی کوشش کرنے والوں کی اکثریت کی بابت بھی یہی سچ ہے۔ اس سے سوال یہ پیدا ہوتا ہے، ’تحفظ کیا ہے؟‘
تحفظ کی بابت لوگوں کے مختلف نظریات ہیں۔ ایک لغت بیان کرتی ہے کہ تحفظ ”خطرے سے بچاؤ“ یا پھر ”خوف یا پریشانی سے آزادی“ کا نام ہے۔ بیشتر لوگوں کا خیال ہے کہ آجکل ”خطرے سے مکمل تحفظ“ ناممکن ہے۔ اپنے اردگرد کی تشویشناک حالتوں کے باوجود، وہ اُس وقت تک مطمئن رہتے ہیں جب تک وہ محفوظ محسوس کرتے ہیں۔
آپکی بابت کیا ہے؟ آپ تحفظ کیلئے کس پر آس لگائے ہوئے ہیں؟ کیا یہ گاؤں کی بجائے شہر میں دستیاب ہے جیسےکہ زوزوی سوچتا تھا؟ یا کیا یہ روپےپیسے میں ہے خواہ آپ اسے کہیں سے بھی اور کسی بھی طریقے سے حاصل کرتے ہیں؟ کیا یہ محض معاشرے میں اُونچا مقام حاصل کرنے پر منتج ہے؟ آپ خواہ کہیں سے بھی تحفظ حاصل کرتے ہیں یہ آپ اَور آپکے خاندان کیلئے کتنا دیرپا ہوگا؟
آئیے تین طریقوں پر غور کریں جنکے ذریعے بہت سے لوگ تحفظ کی تلاش کرتے ہیں—جغرافیائی مقام؛ روپیہپیسہ؛ مرتبہ یا حیثیت۔ اسکے بعد ہم اس بات پر غور کرینگے کہ حقیقی اور دائمی تحفظ کہاں مل سکتا ہے۔
[فٹنوٹ]
نام تبدیل کر دئے گئے ہیں۔