کب بھاگ جانے ہی میں دانشمندی ہے

آجکل کی دُنیا کو دلیری اور رقابت یا چیلنجوں کا سامنا کرنے کے سلسلے میں طرۂامتیاز حاصل ہے۔‏ لیکن ایسی صورتحال سے بھاگنے والے شخص کو عموماً کمزور یا بزدل خیال کِیا جاتا ہے اور وہ تمسخر کا نشانہ بھی بن سکتا ہے۔‏

تاہم،‏ بائبل آشکارا کرتی ہے کہ ایسے اوقات بھی ہوتے ہیں جب بھاگ جانا ہی دانشمندی اور دلیری کی بات ہوتی ہے۔‏ اس بائبل سچائی کی تصدیق کرتے ہوئے،‏ اپنے شاگردوں کو خدمتگزاری میں بھیجنے سے پہلے یسوع مسیح نے اُنہیں حکم دیا:‏ ”‏جب تمکو ایک شہر میں ستائیں تو دوسرے کو بھاگ جاؤ۔‏“‏ (‏متی ۱۰:‏۲۳‏)‏ جی‌ہاں،‏ یسوع کے پیروکاروں کو اپنے ستانے والوں سے بھاگنے کی کوشش کرنا تھی۔‏ اُنہوں نے لوگوں کو جبراً مسیحی بنانے کیلئے صلیبی جنگیں نہیں لڑنا تھیں۔‏ وہ امن کا پیغام سناتے تھے۔‏ (‏متی ۱۰:‏۱۱-‏۱۴؛‏ اعمال ۱۰:‏۳۴-‏۳۷‏)‏ لہٰذا،‏ وہ غصے میں آنے کی بجائے،‏ وہاں سے بھاگ جاتے تھے تاکہ اشتعال‌انگیز صورتحال سے دُور چلے جائیں۔‏ اِس طریقے سے اُنہوں نے اپنے ضمیر کو اور یہوواہ کیساتھ اپنے رشتے کو بھی قائم رکھا تھا۔‏—‏۲-‏کرنتھیوں ۴:‏۱،‏ ۲‏۔‏

بائبل کی کتاب امثال میں ایک نمایاں مثال ملتی ہے۔‏ وہ ایک ایسے نوجوان کا ذکر کرتی ہے جو آزمائش سے بھاگنے کی بجائے ایک کسبی کے پیچھے چلا گیا بالکل اُسی طرح ”‏جیسے بیل ذبح ہونے کو جاتا ہے۔‏“‏ نتیجہ؟‏ اپنی ہی زندگی کیلئے وبالِ‌جان بننے والی مصیبت میں پڑ جاتا ہے۔‏—‏امثال ۷:‏۵-‏۸،‏ ۲۱-‏۲۳‏۔‏

اگر آپ کو جنسی بداخلاقی کے مُرتکب ہونے کی آزمائش یا اسی قسم کے کسی دوسرے خطرے کا سامنا کرنا پڑتا ہے تو کیا ہو؟‏ خدا کے کلام کے مطابق،‏ مناسب روش یہی ہوگی کہ وہاں سے بھاگ جائیں،‏ فوری طور پر ایسی جگہ سے دُور چلے جائیں۔‏—‏امثال ۴:‏۱۴،‏ ۱۵؛‏ ۱-‏کرنتھیوں ۶:‏۱۸؛‏ ۲-‏تیمتھیس ۲:‏۲۲‏۔‏