عمدہ اخلاقی معیاروں کو فروغ دینے والی کوششیں

سن ۲۰۰۱ کے آخر پر لوگوں نے موزمبیق کے قومی ریڈیو سٹیشن سے یہ اعلان سنا:‏

‏”‏جمہوریہ کے صدر نے ماپوٹو میں یہوواہ کے گواہوں کی برانچ عمارات کا دَورہ کِیا۔‏ اُس نے خواندگی کے پروگراموں کے ذریعے بالغوں کی تعلیم اور خاندانوں میں عمدہ اخلاقی معیاروں کو فروغ دینے کیلئے اپنی کوششوں کو تیز کرنے میں اس مذہبی تنظیم کی حوصلہ‌افزائی کی۔‏ تقریباً ۰۰۰،‏۱۰ لوگ پہلے ہی ان پروگراموں سے فائدہ اُٹھا چکے ہیں۔‏ پریذیڈنٹ چزسانو کے مطابق،‏ ایسے پروگرام قالصفن‌تعریف ہیں کیونکہ یہ معاشرے کے اُن تعلیمی مسائل کے حل میں اہم کردار ادا کرتے ہیں جنکا اس ملک کو اب بھی سامنا ہے۔‏“‏

پریذیڈنٹ کی ریکارڈشُدہ تقریر کے اس حصے کیساتھ اعلان جاری رہا:‏ ”‏خواندگی میں بیشتر لوگوں کی دلچسپی ہمارے لئے نہایت حوصلہ‌افزا بات ہے۔‏ اس سے ظاہر ہوتا ہے کہ عام شہری خواندگی کی شرح میں اضافہ کرنے میں ہماری مدد کرنے کو تیار ہیں۔‏ لہٰذا مَیں کسی بھی زبان میں خواندگی کے ایسے پروگراموں میں اضافہ کرنے کیلئے یہوواہ کے گواہوں کی حوصلہ‌افزائی کرنا چاہتا ہوں۔‏ خواندگی کے علاوہ یہ بات سب سے زیادہ اہمیت کی حامل ہے کہ لوگ بآسانی رابطہ رکھنے کے قابل ہوں اور مستقبل میں زیادہ سے زیادہ تعلیم حاصل کرسکیں۔‏“‏

موزمبیق میں یہوواہ کے گواہ ملک‌بھر میں ۸۵۰ علاقوں میں خواندگی کے پروگرام منعقد کر رہے ہیں تاکہ لوگ ذاتی طور پر خدا کا کلام پڑھ سکیں۔‏ اسکے علاوہ،‏ وہ ہر ہفتے تقریباً ۰۰۰،‏۵۰ مُفت گھریلو بائبل مطالعے کروا رہے ہیں۔‏ یہ تمام کارگزاریاں بائبل کے عالمگیر تعلیمی پروگرام کا حصہ ہیں جو اب ۲۳۵ ممالک میں زلیصفن‌عمل ہے۔‏ (‏متی ۲۴:‏۱۴‏)‏ آپ بھی اس پروگرام سے استفادہ کر سکتے ہیں۔‏ براہِ‌مہربانی اپنے علاقے کے یہوواہ کے گواہوں سے فوری طور پر رابطہ کریں۔‏