ابدی زندگی کا انتخاب کریں

لوگوں کو پہلے کبھی اسقدر زیادہ انتخابات نہیں کرنے پڑے تھے۔‏ مثال کے طور پر،‏ ہمارے کپڑے،‏ کھانا،‏ رہائش اور نوکری اکثر انتخاب کا معاملہ بن گئے ہیں۔‏ دُنیا کے بہتیرے علاقوں میں بیاہتا ساتھی کا انتخاب کرنا بھی عام دستور ہے۔‏ تاہم،‏ بائبل جس انتخاب کا موقع پیش کرتی ہے وہ تمام‌تر انتخابات سے بالاتر ہے—‏یہ تمام نسلِ‌انسانی کے لئے دستیاب ہے۔‏

بائبل بیان کرتی ہے:‏ ”‏صداقت پر قائم رہنے والا زندگی حاصل کرتا ہے اور بدی کا پیرو اپنی موت کو پہنچتا ہے۔‏“‏ (‏امثال ۱۱:‏۱۹‏)‏ نیز یسوع مسیح نے بیان کِیا:‏ ”‏ہمیشہ کی زندگی یہ ہے کہ وہ تجھ خدایِ‌واحد اور برحق کو اور یسوع مسیح کو جسے تُو نے بھیجا ہے جانیں۔‏“‏—‏یوحنا ۱۷:‏۳‏۔‏

جی‌ہاں،‏ ہمارا خالق ہمیں ایسی روش کا انتخاب کرنے کا موقع بخشتا ہے جو ہمیشہ کی زندگی تک پہنچاتی ہے!‏ ہمیں ابدی زندگی حاصل کرنے کیلئے کیا کرنے کی ضرورت ہے؟‏

بائبل کے مطابق،‏ ”‏صداقت کی راہ میں زندگی ہے۔‏“‏ (‏امثا ۱۲:‏۲۸‏)‏ ہم ہمیشہ کی زندگی کی راہ پر گامزن راستباز لوگوں میں شامل ہو سکتے ہیں۔‏ وہ کیسے؟‏ ہم اپنی زندگیاں خدا کی مرضی اور اُسکے احکام کے مطابق ہونے کا یقین کر لینے سے ایسا کر سکتے ہیں۔‏ (‏متی ۷:‏۱۳،‏ ۱۴‏)‏ پس دُعا ہے کہ ہم درست انتخاب کرکے خدا کی طرف سے ہمیشہ کی زندگی کی بخشش حاصل کریں۔‏—‏رومیوں ۶:‏۲۳‏۔‏