ایک دلچسپ روزنامچہ

سیاح ریچرڈ ای.‏ برڈ نے ۱۹۲۸ سے ۱۹۵۶ تک پانچ بار انٹارکٹکا یعنی قُطب جنوبی کے مہماتی سفر کئے۔‏ ایک ڈائری اور سفر کی درست تفصیلات پر مشتمل یادداشت کی مدد سے وہ اور اُسکے ساتھی ہوا کی سمت کا تعیّن کرنے،‏ نقشے تیار کرنے اور انٹارکٹیکا کے بّراعظم کی بابت کافی معلومات حاصل کرنے کے قابل ہوئے۔‏

برڈ کی مہمات ریکارڈ رکھنے کی اہمیت کو ظاہر کرتی ہیں۔‏ بحری یا ہوائی سفر میں ایسا ریکارڈ رکھنا واقعی بہت ضروری ہوتا ہے۔‏ یہ معلومات بعدازاں سفر کے دوران رُونما ہونے والے واقعات یا مزید دَوروں کیلئے مفید باتوں کا جائزہ لینے کیلئے استعمال ہو سکتی ہیں۔‏

صحائف طوفانِ‌نوح کی دلچسپ سرگزشت بیان کرتے ہیں۔‏ یہ عالمگیر طوفان ایک سال سے زائد عرصہ تک جاری رہا۔‏ طوفان کی تیاری میں نوح،‏ اُسکی بیوی اور اُنکے تین بیٹوں اور اُنکی بیویوں نے تقریباً ۰۰۰،‏۴۰۰،‏۱ مکعب فٹ حجم کی کشتی بنانے میں ۵۰ یا ۶۰ سال صرف کئے۔‏ اسکا مقصد کیا تھا؟‏ اسکا مقصد طوفان کے دوران بعض انسانوں اور جانوروں کو محفوظ رکھنا تھا۔‏—‏پیدایش ۷:‏۱-‏۳‏۔‏

درحقیقت بائبل کی کتاب پیدایش میں طوفان کے شروع سے نوح اور اُس کے خاندان کے کشتی سے باہر آنے تک کی تفصیلات پر مبنی نوح کی یادداشت شامل ہے۔‏ کیا آجکل اِسکی ہمارے لئے کوئی اہمیت ہے؟‏