نوجوانوں کے دِلوں کو چُھو لینے والی ویڈیو

ویڈیو نوجوان لوگ پوچھتے ہیں—‏مَیں سچے دوست کیسے بنا سکتا ہوں؟‏  * دینہ کے بارے میں ہے جس کی مثال بائبل میں درج ہے۔‏ (‏پیدایش،‏ ۳۴ باب‏)‏ اِسکے علاوہ،‏ ویڈیو میں مسیحی نوجوان اپنی ذاتی مشکلات کے بارے میں بات چیت کرتے ہیں اور اس میں بائبل پر مبنی ہدایات بھی دی گئی ہیں۔‏ اس ویڈیو کو دیکھ کر اکثر نوجوانوں نے اپنی زندگی کے بارے میں سنجیدگی سے سوچنا شروع کر دیا ہے۔‏ آئیے ہم دیکھتے ہیں کہ میکسیکو کے مُلک سے کچھ نوجوان مسیحیوں نے ویڈیو کو دیکھنے کے بعد کیا کہا ہے۔‏

مرتھا کہتی ہے:‏ ”‏اِس ویڈیو نے میرے دل کو چُھو لیا ہے۔‏ مجھے ایسا لگا جیسے یہ خاص میرے لئے ہی بنی ہے۔‏ میرے اُستاد اور ہم‌جماعت یہ جانتے تھے کہ مَیں ایک یہوواہ کی گواہ ہوں۔‏ لیکن مَیں نے اُن کیساتھ کبھی بائبل کے متعلق بات‌چیت نہیں کی تھی۔‏ اب مجھے پتہ چل گیا ہے کہ ایک سچا گواہ ایسا کرنے سے کبھی نہیں ہچکچاتا۔‏ مَیں اِن تمام باتوں کیلئے یہوواہ کی شکرگزار ہوں جو وہ ہمیں سکھاتا ہے،‏ خاص طور پر جب یہ اِس ویڈیو کی طرح،‏ ہمارے دل کی گہرائیوں تک پہنچتی ہیں۔‏“‏

خوان کارلوس نے کہا:‏ ”‏یہ ویڈیو ایک آئینے کی مانند ہے جس میں ہم اپنا عکس دیکھ سکتے ہیں۔‏ ویڈیو میں دکھائے گئے کچھ نوجوانوں کی طرح مَیں نے بھی غلطیاں کی ہیں۔‏ کئی سال پہلے مَیں خدا کی خدمت کرنے کیساتھ ساتھ بُرے کام بھی کِیا کرتا تھا۔‏ لیکن پھر مجھے اس بات کا احساس ہوا کہ ایسے کاموں کا نتیجہ ہمیشہ بُرا ہی ہوتا ہے۔‏ اِس ویڈیو کو دیکھنے کے بعد مَیں نے ارادہ کر لیا کہ چاہے کچھ بھی ہو مَیں وفاداری سے یہوواہ کی خدمت کرونگا۔‏“‏

سولیم نے بیان کِیا کہ ”‏اِس ویڈیو کو دیکھتے ہی مجھ میں جذبات کی ایک نئی لہر دوڑ گئی۔‏ کیونکہ کچھ عرصہ سے مَیں نے بائبل پڑھنا اور باقاعدگی سے یہوواہ سے دُعا کرنا چھوڑ دیا تھا۔‏ مگر ویڈیو میں مختلف نوجوانوں کے ذاتی خیالات سننے کے بعد مَیں نے دوبارہ بائبل کا مطالعہ کرنا اور یہوواہ سے دُعا کرنا شروع کر دیا ہے۔‏“‏

آجکل کے نوجوانوں پر اپنے دوستوں کی طرف سے بُرے کام کرنے کا دباؤ ہے۔‏ اسلئے خدا کو خوش کرنے کیلئے اُنہیں ایسے دوستوں کا انتخاب کرنے کی ضرورت ہے جو اُنہیں غلط راہ پر نہ لے جائیں۔‏ (‏زبور ۲۶:‏۴؛‏ امثال ۱۳:‏۲۰‏)‏ اِس ویڈیو کو دیکھنے کے بعد وہ اچھے دوستوں کا انتخاب کرنے کے قابل ہو جائینگے۔‏

‏[‏فٹ‌نوٹ]‏