جب وعدے ضمانت ہوتے ہیں

تاریخ ایسے وعدوں سے بھری پڑی ہے جنہیں کبھی پورا نہیں کِیا گیا۔‏ قومیں اکثر امن معاہدوں کی پابندی کرنے میں ناکام ہو گئی ہیں جنکی وجہ سے ہولناک جنگیں لڑی گئی ہیں۔‏ ایک مرتبہ نپولین نے کہا:‏ ”‏حکومتیں کسی دباؤ کے تحت یا اپنے فائدے کیلئے ہی اپنے وعدے پورے کرتی ہیں۔‏“‏

انسان کے وعدوں کی بابت آپکا کیا خیال ہیں؟‏ جب کوئی شخص اپنا وعدہ پورا نہیں کرتا تو کتنی مایوسی ہوتی ہے!‏ اگر کوئی واقف‌کار یا معتبر شخص ایسا کرے تو اَور بھی دُکھ ہوتا ہے۔‏ بِلاشُبہ،‏ لوگ یا تو اپنے وعدے پورے کرنے کے قابل نہیں ہوتے یا پھر وہ ایسا کرنا ہی نہیں چاہتے۔‏

انسانی وعدوں اور خدائی وعدوں میں کتنا فرق ہے!‏ خدا کے وعدے قابلِ‌اعتماد ہیں۔‏ یہوواہ کا ہر وعدہ ایک ضمانت ہے۔‏ یہ ضرور پورا ہوگا۔‏ خدا کے حتمی کلام کی بابت یسعیاہ ۵۵:‏۱۱ بیان کرتی ہے:‏ ”‏اُسی طرح میرا کلام جو میرے مُنہ سے نکلتا ہے ہوگا۔‏ وہ بےانجام میرے پاس واپس نہ آئیگا بلکہ جو کچھ میری خواہش ہوگی وہ اُسے پورا کریگا اور اُس کام میں جسکے لئے مَیں نے اُسے بھیجا مؤثر ہوگا۔‏“‏

پس ہمیں بائبل میں درج خدا کے وعدوں کو کیسا خیال کرنا چاہئے؟‏ ہم اُن پر بھروسا کر سکتے ہیں۔‏ مثال کے طور پر،‏ یوحنا رسول نے لکھا:‏ ”‏دیکھ خدا کا خیمہ آدمیوں کے درمیان ہے اور وہ اُنکے ساتھ سکونت کریگا اور وہ اُسکے لوگ ہونگے اور خدا آپ اُنکے ساتھ رہیگا اور اُنکا خدا ہوگا۔‏ اور وہ اُنکی آنکھوں کے سب آنسو پونچھ دیگا۔‏ اِسکے بعد نہ موت رہیگی اور نہ ماتم رہیگا۔‏ نہ آہ‌ونالہ نہ درد۔‏ پہلی چیزیں جاتی رہیں۔‏“‏ (‏مکاشفہ ۲۱:‏۳،‏ ۴‏)‏ اگر آپ یسوع کی اس بات پر عمل کریں تو آپ ایسی برکات سے محظوظ ہو سکتے ہیں:‏ ”‏ہمیشہ کی زندگی یہ ہے کہ وہ تجھ خدایِ‌واحد اور برحق کو اور یسوؔع مسیح کو جسے تُو نے بھیجا ہے جانیں۔‏“‏—‏یوحنا ۱۷:‏۳‏۔‏