حوض جن میں پانی نہیں ٹھہرتا

بائبل وقتوں میں پانی کو ذخیرہ کرنے کے لئے زمین میں کھودے گئے حوض استعمال کئے جاتے تھے۔‏ کچھ عرصہ تک،‏ ملکِ‌موعود میں،‏ یہی حوض اسرائیلیوں کے لئے پانی ذخیرہ کرنے کا واحد ذریعہ تھے۔‏

یرمیاہ نبی نے خدا کی طرف سے ایک پیغام میں حوضوں کی مثال استعمال کرتے ہوئے کہا:‏ ”‏میرے لوگوں نے دو بُرائیاں کیں۔‏ اُنہوں نے مجھ آبِ‌حیات کے چشمہ کو ترک کر دیا اور اپنے لئے حوض کھودے ہیں۔‏ شکستہ حوض جن میں پانی نہیں ٹھہر سکتا۔‏“‏—‏یرمیاہ ۲:‏۱۳‏۔‏

اسرائیلیوں نے ”‏آبِ‌حیات کے چشمہ“‏ یعنی یہوواہ  خدا کو ترک کرنے کے بعد،‏ اپنی حفاظت کے لئے ایسے ملکوں پر  بھروسا کِیا جو بُت‌پرست تھے اور اُن کی بُت‌پرستی میں شامل  ہو گئے تھے۔‏ اگر ایک حوض میں پانی نہ ہو تو وہ کسی کے کام نہیں آ سکتا۔‏ اِسی طرح ان بُت‌پرست قوموں کے پاس بھی تحفظ بخشنے کی طاقت نہیں تھی۔‏—‏استثنا ۲۸ :‏۲۰‏۔‏

اِس تاریخی مثال سے ہم کیا سبق سیکھ سکتے ہیں؟‏ یرمیاہ کے زمانے کی طرح آج بھی یہوواہ خدا زندگی کا چشمہ ہے۔‏ (‏زبور ۳۶:‏۹؛‏ مکاشفہ ۴:‏۱۱‏)‏ یسوع مسیح کی قربانی کے ذریعے یہوواہ خدا ہمیں ہمیشہ کی زندگی حاصل کرنے کا موقع دیتا ہے۔‏ (‏یوحنا ۴:‏۱۴؛‏ ۱۷:‏۳‏)‏ یرمیاہ کے دنوں کی طرح آج بھی بہتیرے لوگ خدا کے احکام کی نافرمانی کرتے ہیں۔‏ اِس کی بجائے وہ اِنسانی فیلسوفوں اور سیاستدانوں کے وعدوں پر بھروسا کرتے ہیں۔‏ (‏۱-‏کرنتھیوں ۳:‏۱۸-‏۲۰؛‏ کلسیوں ۲:‏۸‏)‏ آپ کس پر بھروسا کریں گے؟‏ ”‏آبِ‌حیات کے چشمہ“‏ یہوواہ پر یا پھر ’‏شکستہ حوض پر،‏ جس میں پانی نہیں ٹھہر سکتا؟‏‘‏

‏[‏صفحہ ۳۲ پر تصویر]‏

مٹی کی بنی ہوئی ایک دیوی جو اسرائیلی قبر میں ملی

‏[‏تصویر کا حوالہ]‏

Photograph taken by courtesy of the British Museum