روحانیت اور آپکی خوشحالی

غالباً آپ اپنا بیشتر وقت اپنی جسمانی صحت بحال رکھنے میں گزارتے ہونگے۔‏ مثلاً،‏ آپ ہر روز آٹھ گھنٹے سونے،‏ کئی گھنٹے کھانا پکانے اور کھانے اور آٹھ گھنٹے ملازمت میں صرف کرتے ہونگے تاکہ آپکو رہائش کیلئے جگہ اور کھانے کیلئے خوراک دستیاب ہو سکے۔‏ بیماری کی صورت میں آپ ایک اچھے ڈاکٹر کو دکھانے اور دوا خریدنے کیلئے پیسے اور وقت صرف کرتے ہیں۔‏ اسکے علاوہ آپ اپنی صحت کو برقرار رکھنے کیلئے اپنے گھر کو اور اپنے آپکو صاف‌ستھرا رکھتے اور باقاعدہ ورزش بھی کرتے ہونگے۔‏

تاہم،‏ اچھی صحت کیلئے صرف جسمانی ضروریات کا خیال رکھنا ہی کافی نہیں ہے۔‏ صحت‌وتندرستی کے لئے ایک اَور چیز بھی ضروری ہے۔‏ تحقیق ظاہر کرتی ہے کہ لوگوں کی جسمانی صحت کا اُن کی روحانی صحت سے بہت گہرا تعلق ہے۔‏

روحانی اور جسمانی صحت کا تعلق

میلبورن آسٹریلیا کی یونیورسٹی کے پروفیسر ہیڈلے جی.‏ پخ نے بیان کِیا کہ ”‏اس موضوع پر کی جانے والی طبّی تحقیق سے پتہ چلا ہے کہ روحانیت اور جسمانی صحت‌وتندرستی میں گہرا تعلق ہے۔‏“‏ اس تحقیق پر تبصرہ کرتے ہوئے دی میڈیکل جرنل آف آسٹریلیا نے بیان کِیا:‏ ”‏دوسرے لوگوں کی نسبت مذہبی لوگوں کو بلڈپریشر،‏ آنت کے کینسر اور کولیسٹرول کا خطرہ کم ہوتا ہے۔‏“‏

 اسی طرح،‏ امریکہ کی ایک یونیورسٹی نے سن ۲۰۰۲ میں ۵۴۵،‏۶ لوگوں کا جائزہ لینے کے بعد یہ کہا،‏ ”‏جو لوگ ہر ہفتے عبادت کیلئے جاتے ہیں وہ عبادت کیلئے نہ جانے یا کبھی‌کبھار جانے والے لوگوں کی نسبت زیادہ عرصہ زندہ رہتے ہیں۔‏“‏ اس تحقیق کے اِنچارج اور یوسی برکلے کے سکول آف پبلک ہیلتھ کے لیکچرار ڈگ اومن نے کہا:‏ ”‏ہم نے جائزے میں حصہ لینے والے لوگوں کی ذاتی زندگی،‏ سگریٹ‌نوشی اور ورزش جیسی عادات کو مدِنظر رکھتے ہوئے،‏ مذہبی اور غیرمذہبی لوگوں میں یہ فرق دیکھا ہے۔‏“‏

روحانی نقطۂ‌نظر رکھنے والے لوگوں کو حاصل ہونے والے فوائد کا ذکر کرتے ہوئے مذکورہ‌بالا ادارے نے بیان کِیا:‏ ”‏آسٹریلیا کے مذہبی لوگوں میں شادی زیادہ کامیاب ہوتی ہے۔‏ اِن میں نشہ‌بازی،‏ خودکُشی،‏ پریشانی اور افسردگی کا میلان بہت کم ہوتا ہے۔‏ نیز ایسے لوگ اکثر دوسروں کی مدد بھی کرتے ہیں۔‏“‏ برطانیہ کا دی برٹش میڈیکل جرنل بیان کرتا ہے:‏ ”‏روحانی طور پر مضبوط اعتقاد رکھنے والے لوگ روحانی اعتقادات نہ رکھنے والے لوگوں کی نسبت اپنے عزیز کی موت کے صدمے سے بہتر طور پر نپٹ سکتے ہیں۔‏“‏

حقیقی روحانیت کیا ہے اسکی بابت مختلف نظریات پائے جاتے ہیں۔‏ تاہم روحانیت آپکی جسمانی اور ذہنی صحت کو متاثر کرتی ہے۔‏ یہ بات یسوع کے ان الفاظ سے بھی مطابقت رکھتی ہے جو اُس نے تقریباً ۰۰۰،‏۲ سال پہلے کہے تھے:‏ ”‏مبارک ہیں وہ جو اپنی روحانی ضروریات سے باخبر ہیں۔‏“‏ (‏متی ۵:‏۳‏،‏ نیو ورلڈ ٹرانسلیشن‏)‏ پس صحت،‏ خوشحالی اور روحانیت کے درمیان گہرے تعلق کے پیشِ‌نظر ہم خود سے یہ پوچھ سکتے ہیں:‏ ’‏مَیں کہاں سے قابلِ‌بھروسا روحانی راہنمائی حاصل کر سکتا ہوں؟‏ نیز خدا کو خوش کرنے میں کیا کچھ شامل ہے؟‏‘‏

 ‏[‏صفحہ ۲ پر تصویر کا حوالہ]‏

‏: Photo Credits: Page 18: Mao Tse-tung and Golda Meir

‏:Hulton/Archive by Getty Images; Francis Ferdinand

‏:Hirohito, Lindbergh, & Einstein ‏;The War of the Nations From the book

‏:U.S. National Archives photo; Stalin:‏

;U.S. Army photo; Roosevelt: Franklin D. Roosevelt Library

‏(Churchill: The Trustees of the Imperial War Museum )‎MH 26392‎