انسان کی خدا کو خوش کرنے کی مختلف کوششیں

‏”‏ہر معاشرے میں لوگ خدا پر ایمان رکھتے ہیں جسے وہ عموماً خالق اور مالک کے طور پر تسلیم کرتے ہیں۔‏ یہ ان معاشروں کے بارے میں بھی سچ ہے جو خدا پر ایمان نہ رکھنے کا دعویٰ کرتے ہیں۔‏“‏ یہ بیان کتاب خدا پر ایمان—‏ایک مختصر تاریخ سے لیا گیا ہے۔‏ پوری دُنیا میں انسانوں نے ہمیشہ خدا کو سمجھنے اور اُسکی خوشنودی حاصل کرنے کی کوشش کی ہے۔‏ اُنہوں نے ایسا اپنے الگ الگ عقائد کی بِنا پر کِیا ہے۔‏

مثال کے طور پر کچھ لوگ سمجھتے ہیں کہ خدا کو پسند آنے کے لئے محض نیک ہونا کافی ہے۔‏ دوسروں کا خیال ہے کہ غریبوں کی مدد کرنے سے خدا خوش ہوتا ہے۔‏ اسکے علاوہ لاکھوں لوگوں کیلئے مذہبی رسمیں اور تہوار بڑی اہمیت رکھتے ہیں۔‏

اسکے برعکس بعض لوگوں کا خیال ہے کہ خدا ان سے بہت دُور ہے۔‏ وہ یہ سمجھتے ہیں کہ خدا زیادہ اہم کاموں میں مصروف ہے لہٰذا وہ عام لوگوں پر توجہ نہیں دیتا۔‏ یہ یونانی فلاسفر اپیکورس کی رائے بھی تھی جس نے کہا:‏ ’‏دیوتا اتنے دُور ہیں کہ وہ انسان کی زندگی پر کسی قسم کا اثر نہیں ڈال سکتے۔‏‘‏ لیکن ایسی سوچ رکھنے والے لوگ بھی اکثر مُردوں کیلئے قربانیاں چڑھاتے ہیں اور طرح طرح کی مذہبی رسموں میں حصہ لیتے ہیں۔‏

آپکی کیا رائے ہے؟‏ جب ہم خدا کو خوش کرنے کی کوشش کرتے ہیں تو کیا وہ ہماری کوششوں پر توجہ دیتا ہے؟‏ کیا ہم واقعی خدا کو خوش کر سکتے ہیں؟‏

 ‏[‏صفحہ ۲ پر تصویر کا حوالہ]‏

‏:COVER

‏,Courtesy of ROE/Anglo-Australian Observatory

photograph by David Malin