‏’‏یہ یہوواہ خدا کے نام کو نمایاں کرتے ہیں‘‏

دُنیابھر میں لوگ بڑے شوق سے مینارِنگہبانی اور جاگو!‏ کے رسالے پڑھتے ہیں۔‏ وہ ان میں پائے جانے والے روحانی مضامین کے علاوہ عام معلوماتی مضامین کی بھی بہت قدر کرتے ہیں۔‏ ملک فرانس میں رہنے والی ایک خاتون نے ان رسالوں کے بارے میں ایک خط میں یوں لکھا:‏

‏”‏مَیں ایک جوان عورت ہوں۔‏ دراصل مَیں افریقہ میں پیدا ہوئی تھی۔‏ مَیں زیادہ پڑھی‌لکھی بھی نہیں ہوں۔‏ کچھ عرصہ پہلے مَیں آپکے رسالے پڑھنے لگی۔‏ ان میں پائے جانے والے مضامین اتنے دلکش ہیں کہ مجھے پڑھنے کا شوق ہو گیا ہے۔‏ ان رسالوں کو پڑھنے سے مَیں نے بہت سے نئے الفاظ سیکھ لئے ہیں اور مَیں خط لکھتے وقت کم غلطیاں بھی کرنے لگی ہوں۔‏

‏”‏مجھے اس بات سے حیرانی ہوتی ہے کہ آپ طرح طرح کے عنوان پر مضامین لکھتے ہیں مثلاً انسان،‏ زمین اور خالق کے بارے میں۔‏ اور آپ ہر موضوع کو ایسے پیش کرتے ہیں کہ وہ بالکل آسانی سے سمجھ میں آ جاتا ہے۔‏ اسطرح پڑھنے والے میں پڑھنے کا شوق بڑھ جاتا ہے۔‏ مَیں جانتی ہوں کہ آپکے رسالے پوری دُنیا میں پڑھے جاتے ہیں۔‏ آپ تمام لوگوں کو ایک موضوع کے بارے میں اتنی اچھی طرح سے سمجھا دیتے ہیں۔‏

‏”‏مَیں اس بات سے بھی حیران ہوں کہ آپ یہ رسالے نفع کمانے کیلئے نہیں شائع کرتے ہیں بلکہ یہوواہ خدا کے نام کو نمایاں کرنے کیلئے۔‏ یقیناً وہ آپ سے بہت خوش ہے۔‏ میری درخواست ہے کہ آپ آئندہ بھی لوگوں کو سکھانے کیلئے اُسی پر آس رکھیں۔‏ آپکا بہت شکریہ۔‏“‏

یہوواہ کے گواہ ۲۳۵ ممالک میں لوگوں کو خدا کے کلام کے بارے میں تعلیم دے رہے ہیں۔‏ مینارِنگہبانی کا رسالہ ۱۴۸ زبانوں میں اور جاگو!‏ کا رسالہ ۸۷ زبانوں میں شائع ہو رہا ہے۔‏ یہ رسالے کسی انسان کی ستائش کرنے کیلئے نہیں بلکہ لوگوں کے دلوں میں اپنے خالق کی قدر کو بڑھانے کیلئے شائع ہوتے ہیں۔‏ خالق خود کہتا ہے:‏ ”‏مَیں ہی [‏یہوواہ]‏ تیرا خدا ہوں جو تجھے فائدہ‌مند باتیں سکھاتا ہوں۔‏“‏ (‏یسعیاہ ۴۸:‏۱۷‏،‏ کیتھولک ورشن‏)‏ اگر آپ باقاعدگی سے پاک‌صحائف اور ان پر مبنی رسالوں کو پڑھیں گے تو آپ بھی فائدہ حاصل کرینگے۔‏