خدا کی حمد کرنے کا عمدہ موقع

مریانا نامی ایک لڑکی اٹلی کے جنوب میں رہتی ہے۔‏ وہ ۱۸ سال کی ہے اور کالج میں پڑھتی ہے۔‏ وہ یہوواہ کی ایک گواہ ہے اور اُسکے کالج میں اِس مذہب سے تعلق رکھنے والے اَور بھی طالبعلم پڑھتے ہیں۔‏

مریانا کہتی ہے:‏ ”‏کئی سالوں سے مَیں کالج میں وقفے کے دوران دوسرے یہوواہ کے گواہوں کیساتھ ملکر بائبل کا ایک صحیفہ پڑھتی ہوں۔‏ اسکے بعد ہم کتابچہ روزبروز کتابِ‌مقدس کی تحقیق کرنا میں اس صحیفے کی وضاحت پر غور کرتے ہیں۔‏ ہم یہ اُستادوں کے سٹاف‌روم کے سامنے کھڑے ہو کر کرتے ہیں کیونکہ اِسکے علاوہ کوئی ایسی جگہ نہیں جہاں شور نہیں ہوتا۔‏ اُستاد ہمیں وہاں دیکھ کر اکثر پوچھتے ہیں کہ ’‏آپ کیا کر رہے ہو؟‏‘‏ ہر روز کوئی نہ کوئی اُستاد ہم سے یہ سوال ضرور کرتا ہے۔‏ اس پر ہم اُنکو بتاتے ہیں کہ ہم خدا کے کلام کے بارے میں بات‌چیت کر رہے ہیں۔‏ کبھی‌کبھار ایسا ہوتا ہے کہ وہ بھی ہماری بات‌چیت سننے لگتے ہیں۔‏ اور کافی اُستادوں نے ہمیں خدا کے کلام میں دلچسپی لینے پر داد بھی دی ہے۔‏ ایک بار تو وائس‌پرنسپل نے ہمیں سٹاف‌روم میں آ کر اپنی بات‌چیت کو جاری رکھنے کو کہا تھا۔‏“‏

‏”‏ایک دن میرے اُستاد نے پرنسپل سے درخواست کی کہ اس بات‌چیت کیلئے ہمیں ایک کلاس روم استعمال کرنے کی اجازت دی جائے۔‏ پرنسپل نے اجازت دے دی اور میرے اُستاد نے پوری کلاس کے سامنے ہمارے اچھے چال‌چلن کی تعریف کی۔‏ ہم بہت خوش ہیں کہ ہمیں یہوواہ خدا کی حمد کرنے کا یہ شرف حاصل ہوا۔‏“‏