‏”‏جو لوگ جہازوں میں بحر پر جاتے ہیں“‏

امریکہ کے شہر گلوسٹر کی بندرگاہ میں ایک ملاح کا مجسّمہ کھڑا ہے جو اپنے جہاز کو طوفانی سمندر میں چلا رہا ہے۔‏ یہ مجسّمہ شہر گلوسٹر کے ان تمام ملاحوں کی یادگار ہے جو سمندر کی گہرائیوں میں اپنی جان کھو بیٹھے ہیں۔‏ مجسّمے پر زبور ۱۰۷:‏۲۳،‏ ۲۴ کے یہ الفاظ کُندہ ہیں:‏ ”‏جو لوگ جہازوں میں بحر پر جاتے ہیں اور سمندر پر کاروبار میں لگے رہتے ہیں وہ سمندر میں [‏یہوواہ]‏ کے کاموں کو اور اُسکے عجائب کو دیکھتے ہیں۔‏“‏

سمندر میں مچھلیاں پکڑنے کا کام بہت خطرناک ہوتا ہے۔‏ آج تک شہر گلوسٹر کے ۳۶۸،‏۵ ملاح مچھلیاں پکڑتے پکڑتے اپنی جان سے ہاتھ دھو بیٹھے ہیں۔‏ یہ یاد رکھا جائے کہ اِس شہر کی کُل آبادی محض ۰۰۰،‏۳۰ ہے۔‏ یادگار پر یہ الفاظ بھی کُندہ ہیں:‏ ”‏ہمارے ملاحوں میں سے کئی طوفانی ہواؤں اور پہاڑنما لہروں کا شکار بنے،‏ بعض کی کشتیوں کو ہوا نے ساحل سے بہت دُور دھکیل دیا اور بہتیرے جہاز سمندری طوفان میں دوسرے جہازوں سے ٹکرا کر ٹکڑے ٹکڑے ہو گئے۔‏“‏

واقعی،‏ صدیوں سے ماہی‌گیر خطروں کا سامنا کرتے ہوئے اپنی روزی کما رہے ہیں۔‏ شہر گلوسٹر میں ملاح کا یہ مجسّمہ انکی بہادری کی یاد دلاتا ہے۔‏ یہ اُن اَن‌گنت آنسوؤں کی بھی یادگار ہے جو ملاحوں کے خاندانوں نے اُنکی یاد میں بہائے ہیں۔‏ لیکن یہوواہ خدا انکے آنسوؤں کو پونچھ دے گا۔‏ اپنے کلام میں اُس نے ایسا کرنے کا وعدہ کِیا ہے۔‏ وہ وقت آنے والا ہے جب یوحنا رسول کے یہ الفاظ تکمیل پائیں گے:‏ ”‏سمندر نے اپنے اندر کے مُردوں کو دے دیا اور موت اور عالمِ‌ارواح نے اپنے اندر کے مُردوں کو دے دیا۔‏“‏ (‏مکاشفہ ۲۰:‏۱۳‏)‏ جی‌ہاں،‏ جب یہوواہ خدا اُن لوگوں کو زندہ کرے گا جو ”‏جہازوں میں بحر پر“‏ جا کر مر گئے ہیں تو وہ بھی ’‏یہوواہ کے کاموں کو دیکھیں گے۔‏‘‏