کیا آپ کو یاد ہے؟‏

آپ نے ”‏مینارِنگہبانی“‏ کے پچھلے چند شماروں کو ضرور شوق سے پڑھا ہوگا۔‏ کیا آپ نیچے دئے گئے سوالوں کے جواب دے سکتے ہیں؟‏

‏• آدم کے گُناہ کا داغ اُسکی اولاد پر کیسے لگ گیا؟‏

آدم کی اولاد نے گُناہ کا داغ ورثے میں پایا تھا۔‏ جسطرح بچوں کو اپنے ماں‌باپ سے ایک موروثی بیماری لگ سکتی ہے اسی طرح آدم کے گُناہ کا داغ ایک بیماری کی مانند ہم پر لگ گیا ہے۔‏—‏۱۵/‏۸،‏ صفحہ ۵۔‏

‏• ہمارے زمانے میں تشدد میں اضافہ کیوں ہو رہا ہے؟‏

شیطان ہمیں یہوواہ خدا سے دُور کرنا چاہتا ہے۔‏ اسلئے وہ ہمارے دلوں میں تشدد کا جذبہ پیدا کرنے کی کوشش کرتا ہے۔‏ ایسا کرنے کیلئے وہ فلموں اور موسیقی کے علاوہ ایسے کمپیوٹر گیمز بھی استعمال کرتا ہے جو کھیلنے والوں کو خیالی طور پر ظلم یا قتل کرنے کیلئے اُبھارتے ہیں۔‏ اس وجہ سے ہمارے دَور میں تشدد میں اضافہ ہو رہا ہے۔‏—‏۱/‏۹،‏ صفحہ ۲۹۔‏

‏• پُنطیُس پیلاطُس کون تھا؟‏

وہ روم کے درمیانے درجے کی ایک ذات سے تعلق رکھتا تھا اور شاید فوجی آفیسر بھی رہا تھا۔‏ سن ۲۶ عیسوی میں رومی قیصر تبریس نے اُسے صوبۂ‌یہودیہ کا حاکم بنایا۔‏ جب یہودی سردارکاہنوں نے یسوع مسیح پر سخت الزامات لگائے تو پیلاطُس نے بِھیڑ کو خوش کرنے کی خاطر یسوع کو سزائےموت سنا دی۔‏—‏۱۵/‏۹،‏ صفحہ ۱۰-‏۱۲۔‏

‏• متی ۲۴:‏۳ میں جس نشان کا ذکر ہوا ہے،‏ یہ کیا ہے؟‏

اس نشان کے کئی پہلو ہیں جو مل کر یسوع کے ”‏آنے“‏ اور ”‏دُنیا کے آخر ہونے“‏ کی طرف اشارہ کرتے ہیں۔‏ اس نشان میں جنگیں،‏ کال،‏ وبائیں اور زلزلے شامل ہیں۔‏—‏۱/‏۱۰،‏ صفحہ ۴،‏ ۵۔‏

‏• پہلی صدی میں یہودی برادریاں کہاں کہاں آباد تھیں؟‏

پہلی صدی عیسوی میں یہودیہ کے علاوہ دُنیابھر میں یہودی آبادیاں پائی جاتی تھیں،‏ خاص طور پر سُوریہ،‏ ایشیائےکوچک،‏ بابل اور مصر میں۔‏ یورپ کے کئی علاقوں میں بھی یہودی برادریاں آباد تھیں۔‏—‏۱۵/‏۱۰،‏ صفحہ ۱۲-‏۱۵۔‏

‏• اگر ایک مسیحی ایسی ملازمت قبول کرے جس میں اُسے بندوق یا کسی قسم کا ہتھیار اُٹھانا پڑے تو کیا وہ صاف ضمیر رکھ سکتا ہے؟‏

ایسی ملازمت قبول کرنا ہر مسیحی کا ذاتی فیصلہ ہے۔‏ لیکن ہو سکتا ہے کہ وہ ایسی نوکری میں ہتھیار کو استعمال کرکے کسی کو مار ڈالے۔‏ اسطرح وہ خدا کی نظروں میں خونی بن جاتا ہے۔‏ اسکے علاوہ وہ خود بھی کسی مجرم کا نشانہ بن کر زخمی یا پھر قتل ہو سکتا ہے۔‏ بہرحال ایسا مسیحی جو نوکری میں ہتھیار اُٹھاتا ہے،‏ اُسے کلیسیا میں کوئی ذمہ‌داری نہیں دی جائے گی۔‏ (‏۱-‏تیمتھیس ۳:‏۳،‏ ۱۰‏)‏ —‏۱/‏۱۱،‏ صفحہ ۳۱۔‏

‏• لفظ ”‏ہرمجدون“‏ کا مطلب ”‏کوہِ‌مجدو“‏ ہے۔‏ کیا ہم اس سے یہ نتیجہ اخذ کر سکتے ہیں کہ خدا کے روزِعظیم کی لڑائی مُلک اسرائیل کے ایک پہاڑ کے نزدیک لڑی جائے گی؟‏

جی‌نہیں۔‏ مجدو کے علاقے میں کوئی پہاڑ نہیں بلکہ محض ایک چھوٹا سا ٹیلا پایا جاتا ہے۔‏ اُس علاقے میں ’‏ساری دُنیا کے بادشاہوں‘‏ اور انکے لشکروں کے جمع ہونے کی گنجائش نہیں ہے۔‏ خدا کے روزِعظیم کی لڑائی پوری دُنیا میں لڑی جائے گی۔‏ خدا اس لڑائی میں جنگوں کو ہمیشہ کیلئے ختم کر دے گا۔‏ (‏مکاشفہ ۱۶:‏۱۴،‏ ۱۶؛‏ ۱۹:‏۱۹؛‏ زبور ۴۶:‏۸،‏ ۹‏)‏ —‏۱/‏۱۲،‏ صفحہ ۴-‏۷۔‏