نوجوانوں کے لئے اہم خوبیاں

گلاڈیز نامی ایک خاتون ارجنٹائن کے شہر مینڈوزا کے ایک سکول میں کام کرتی ہے۔‏ ایک دن اُس نے ایک کلاس‌روم کے پاس سے گزرتے ہوئے دیکھا کہ ایک ٹیچر چوتھی کلاس کے بچوں کو بائبل کہانیوں کی میری کتاب پڑھ کر سنا رہی ہے۔‏ * گلاڈیز نے ٹیچر کو بتایا کہ مَیں یہوواہ کی گواہ ہوں اور اس کتاب سے بھرپور فائدہ اُٹھانے میں آپ کی مدد کر سکتی ہوں۔‏ ٹیچر گلاڈیز کی بات‌چیت سے بہت متاثر ہوئی اور اِس کتاب کو باقاعدہ نصاب کا حصہ بنانے کی خواہش کا اظہار کِیا۔‏ لیکن اس کے لئے اُسے سکول کی انتظامیہ سے اجازت کی ضرورت تھی۔‏ جب اُسے اجازت مل گئی تو اُس کی خوشی کی انتہا نہ رہی۔‏

بعدازاں ٹیچر نے سکول بُک ڈے پر اپنی کلاس کے بچوں کو دوسرے طالبعلموں کے سامنے اس کتاب کا ایک باب پڑھنے کے لئے کہا۔‏ اس پروگرام کے شاندار نتیجے میں اس ٹیچر کو مقامی ٹیلی‌ویژن پروگرام میں مہمان کے طور پر بلایا گیا۔‏ سکول کے بچوں کے اچھے رویے کو دیکھتے ہوئے میزبان نے ٹیچر سے پوچھا کہ ”‏آپ کلاس‌روم میں بچوں کو ایک دوسرے کے ساتھ اچھی طرح پیش آنے کے سلسلے میں کیسے مدد دیتی ہیں؟‏“‏ ٹیچر نے کہا کہ وہ اس کے لئے بائبل کہانیوں کی میری کتاب کو استعمال کرتی ہے۔‏ اُس نے مزید کہا کہ اگرچہ وہ اپنی کلاس کے بچوں کو مذہبی تعلیم نہیں دیتی توبھی اس کتاب کی مدد سے وہ اِنہیں احترام،‏ روداری،‏ اتحاد،‏ تعاون،‏ فرمانبرداری اور محبت جیسی خوبیاں پیدا کرنا سکھاتی ہے۔‏ سب اس بات سے متفق تھے کہ واقعی ایسے اسباق نوجوانوں کے لئے بہت اہم ہیں جو اُنہیں سیکھنے چاہئیں۔‏

کیا آپ اپنے بچوں میں ایسی خوبیاں پیدا کرنا چاہتے ہیں؟‏ اگر ایسا ہے تو آپ یہوواہ کے گواہوں سے بائبل کہانیوں کی میری کتاب کی ایک کاپی حاصل کرنے کے لئے درخواست کر سکتے ہیں۔‏

‏[‏فٹ‌نوٹ]‏