موسم کی علامات سے کہیں زیادہ اہم

موسم کے بارے میں مختلف مثلیں مشہور ہیں مثلاً:‏ ملاح رات کو لال آسمان دیکھکر سمجھ جاتا ہے کہ موسم خوشگوار ہوگا اور صبح کو لال آسمان دیکھ کر خبردار ہو جاتا ہے کہ موسم خراب ہوگا۔‏ اِس مثل کی طرح آجکل ماہرینِ‌موسمیات بھی موسمی صورتحال کی وجوہات بتاتے ہیں۔‏

یسوع کے زمانے میں بھی لوگ آسمان کو دیکھ کر موسم کا اندازہ لگاتے تھے۔‏ یسوع نے بعض یہودیوں سے کہا:‏ ’‏شام کو تُم کہتے ہو کہ مطلع صاف رہے گا کیونکہ آسمان لال ہے۔‏ اور صبح کو یہ کہ آج آندھی چلے گی کیونکہ آسمان لال اور ابرآلود ہے۔‏ تُم آسمان کی صورت میں تو تمیز کرنا جانتے ہو۔‏‘‏ پھر یسوع نے آگے کہا:‏ ”‏مگر زمانوں کی علامتوں میں تمیز نہیں کر سکتے۔‏“‏—‏متی ۱۶:‏۲،‏ ۳‏۔‏

یہ ’‏زمانوں کی علامتیں‘‏ کیا تھیں؟‏ یہ ایسی علامتیں تھیں جن سے یہ ظاہر ہوگیا کہ یسوع کو خدا نے مسیحا کے طور پر بھیجا ہے۔‏ جس طرح یہودی آسمان کی سُرخی کو دیکھ کر موسم کا اندازہ لگاتے تھے اُسی طرح وہ یسوع کے کاموں کو دیکھ کر سمجھ سکتے تھے کہ وہی مسیحا ہے۔‏ لیکن،‏ بہتیرے یہودیوں نے ایسے نشانات کو نظرانداز کر دیا جن سے صاف ظاہر تھا کہ مسیحا آ چکا ہے۔‏ یہ ایک ایسا اہم واقعہ تھا جو موسم کی علامات سے کہیں زیادہ اہم تھا۔‏

آج بھی کچھ ایسے نشان ہیں جن کو سمجھنا ضروری ہے۔‏ اِن نشانات کو سمجھنا آسمان کے رنگ کو دیکھ کر موسم کا اندازہ لگانے سے کہیں زیادہ اہم ہے۔‏ یسوع نے پیشینگوئی کی کہ یہ شریر دُنیا ختم ہو جائے گی اور اِس کی جگہ ایک نئی دُنیا لے لے گی۔‏ اُس نے بہت سے ایسے نشانات کا ذکر کِیا جو اِس وقت کے آنے کو ظاہر کریں گے۔‏ اِن میں عالمگیر جنگیں اور قحط شامل ہیں۔‏ یسوع نے کہا کہ جب یہ باتیں واقع ہونے لگیں تو سمجھ جائیں کہ خدا کے کارروائی کرنے کا وقت قریب ہے۔‏—‏متی ۲۴:‏۳-‏۲۱‏۔‏

کیا آپ ’‏زمانے کی علامتوں‘‏ کو سمجھتے ہیں؟‏