کیا خدا کے بارے میں سچائی جاننا ممکن ہے؟
کیا خدا کے بارے میں سچائی جاننا ممکن ہے؟
عام طور پر لوگ خدا کے وجود پر ایمان رکھتے ہیں۔ وہ اُس کی عبادت کرتے ہیں اور اُس کا خوف بھی رکھتے ہیں۔ لیکن زیادہتر لوگ اُس کے بارے میں کم ہی علم رکھتے ہیں۔ اگر آپ خدا کے وجود پر ایمان رکھتے ہیں تو آپ اِن سوالات کا کیا جواب دیں گے؟
۱. خدا کی ذات کیا ہے؟
۲. خدا کا نام کیا ہے؟
۳. کیا یسوع مسیح قادرِمطلق خدا ہے؟
۴. کیا خدا کو آپ کی فکر ہے؟
۵. کیا سب مذاہب خدا کی نظروں میں قابلِقبول ہیں؟
اگر آپ لوگوں سے یہ سوال کریں گے تو آپ کو مختلف جواب ملیں گے۔ بِلاشُبہ لوگ خدا کے بارے میں بہت سے غلط نظریے رکھتے ہیں۔
اِن سوالات کے جواب بڑے اہم ہیں
ایک مرتبہ یسوع مسیح کوئیں پر بیٹھا ایک عورت سے بات کر رہا تھا۔ اِس موقع پر یسوع مسیح نے بتایا کہ خدا کے بارے میں سچائی جاننا بہت ضروری ہے۔ یہ عورت خدا پر ایمان رکھتی تھی اور اُس نے تسلیم کِیا کہ یسوع مسیح ایک نبی ہے۔ لیکن اُسے یہ بات اُلجھن میں ڈال رہی تھی کہ یسوع مسیح کسی دوسرے مذہب سے تعلق رکھتا تھا۔ جب اُس عورت نے اِس بات کا ذکر کِیا تو یسوع مسیح نے اُسے صافصاف بتایا: ”تُم جِسے نہیں جانتے اُس کی پرستش کرتے ہو۔“ (یوحنا ۴:۱۹-۲۲) اِس سے ظاہر ہوتا ہے کہ یسوع مسیح کے نزدیک ایسے لوگ جو خدا پر ایمان رکھتے ہیں اُن میں سے بہتیرے خدا کے بارے میں سچائی نہیں جانتے۔
کیا یسوع مسیح کا خیال تھا کہ کوئی بھی خدا کے بارے میں سچائی نہیں جان سکتا؟ جی نہیں۔ عورت سے بات کرتے ہوئے یسوع مسیح نے آگے کہا: ”سچے پرستار باپ کی پرستش روح اور سچائی سے کریں گے کیونکہ باپ اپنے لئے ایسے ہی پرستار ڈھونڈتا ہے۔“ (یوحنا ۴:۲۳) کیا آپ بھی”روح اور سچائی“ سے خدا کی عبادت کرتے ہیں؟
اِس بات کا اندازہ لگانا بہت اہم ہے کیونکہ یسوع مسیح نے سچائی کے مطابق خدا کی عبادت کرنے پر زور دیا۔ ایک مرتبہ اُس نے یوں دُعا کی: ”ہمیشہ کی زندگی یہ ہے کہ وہ تجھ خدایِواحد اور برحق کو اور یسوؔع مسیح کو جِسے تُو نے بھیجا ہے جانیں۔“ (یوحنا ۱۷:۳) جیہاں، اگر آپ ہمیشہ کی زندگی حاصل کرنا چاہتے ہیں تو خدا کے بارے میں سچائی جاننا آپ کے لئے بہت ضروری ہے۔
کیا خدا کے بارے میں سچائی جاننا ممکن ہے؟ جی ضرور! لیکن یہ کیسے ممکن ہے؟ یسوع مسیح نے کہا: ”راہ اور حق اور زندگی مَیں ہوں۔ کوئی میرے وسیلہ کے بغیر باپ کے پاس نہیں آتا۔“ (یوحنا ۱۴:۶) اُس نے یہ بھی کہا: ”کوئی نہیں جانتا کہ باپ کون ہے سوا بیٹے کے اور اُس شخص کے جس پر بیٹا اُسے ظاہر کرنا چاہے۔“—لوقا ۱۰:۲۲۔
اِس سے ظاہر ہوتا ہے کہ ہم خدا کے بیٹے، یسوع مسیح کی تعلیمات کے ذریعے خدا کے بارے میں سچائی جان سکتے ہیں۔ یسوع مسیح نے وعدہ کِیا: ”اگر تُم میرے کلام پر قائم رہو گے تو حقیقت میں میرے شاگرد ٹھہرو گے۔ اور سچائی سے واقف ہوگے اور سچائی تُم کو آزاد کرے گی۔“—یوحنا ۸:۳۱، ۳۲۔
اِس مضمون کے شروع میں جو پانچ سوال کئے گئے ہیں، یسوع مسیح نے اُن کے بارے میں کیا تعلیم دی؟
[صفحہ ۴ پر تصویر]
کیا آپ ”روح اور سچائی“ سے خدا کی عبادت کر رہے ہیں؟