یہ رسالہ انگریزی زبان میں جولائی ۱۸۷۹ء سے شائع ہو رہا ہے۔‏ بدلتے زمانے کے ساتھ‌ساتھ اِس رسالے میں بھی بہت سی تبدیلیاں کی گئی ہیں۔‏ (‏اُوپر تصویروں کو دیکھیں۔‏)‏ جیسا کہ آپ اِس شمارے سے دیکھ سکتے ہیں،‏ مینارِنگہبانی میں اَور بھی تبدیلیاں کی جا رہی ہیں۔‏ یہ کون‌سی تبدیلیاں ہیں؟‏

اُن لوگوں کی تعداد بڑھ رہی ہے جو معلومات کو آن‌لائن حاصل کرنا پسند کرتے ہیں۔‏ بس ایک کلک پر وہ ایسی معلومات حاصل کر سکتے ہیں جو صرف انٹرنیٹ پر دستیاب ہوتی ہیں۔‏ بہت سی کتابیں،‏ رسالے اور اخبار اب انٹرنیٹ پر دستیاب ہیں۔‏

اِن باتوں کو ذہن میں رکھتے ہوئے ہم نے اپنی ویب‌سائٹ کو نئے سرے سے ترتیب دیا ہے تاکہ یہ زیادہ دلچسپ لگے اور استعمال میں آسان ہو۔‏ آپ ہماری ویب‌سائٹ پر ۴۳۰ سے زیادہ زبانوں میں معلومات حاصل کر سکتے ہیں۔‏ کچھ ایسے سلسلہ وار مضامین جو پہلے اِس رسالے میں شائع ہوتے تھے،‏ جنوری ۲۰۱۳ء سے صرف www.pr418.com پر شائع ہوں گے۔‏ *

اِس سال سے ہم اُردو زبان میں مینارِنگہبانی کے دو شمارے شائع کریں گے:‏ مطالعے کا شمارہ اور عوامی شمارہ۔‏ مطالعے کا شمارہ ۳۲ صفحات پر مشتمل ہوگا اور ہر ماہ شائع کِیا جائے گا۔‏ یہوواہ کے گواہ اِس شمارے کے ذریعے اپنے اجلاسوں پر پاک کلام کا مطالعہ کریں گے۔‏ عوامی شمارہ ۱۶ صفحات پر مشتمل ہوگا اور ہر تین ماہ بعد شائع کِیا جائے گا۔‏ فی‌الحال مینارِنگہبانی ۲۰۴ زبانوں میں شائع کِیا جا رہا ہے اور ہماری کوشش ہے کہ ہم اِسے اَور بھی زبانوں میں شائع کریں۔‏

ہمیں اُمید ہے کہ اِن تبدیلیوں سے ہم اَور زیادہ لوگوں تک خدا کے کلام کا پیغام پہنچا سکیں گے۔‏ بہت سے لوگ پاک کلام کا احترام کرتے ہیں اور اِس کی تعلیمات کو سمجھنا چاہتے ہیں۔‏ ہمارا عزم ہے کہ ہم اِن کے لئے چھاپی ہوئی کتابوں اور رسالوں اور آن‌لائن مضامین کے ذریعے دلچسپ معلومات فراہم کرتے رہیں گے۔‏

ناشرین