شیطان لوگوں کو بُرے کام کرنے کی ترغیب دیتا ہے۔‏ جو شخص خدا کا دوست بننا چاہتا ہے اُسے اُن چیزوں سے نفرت کرنی چاہئے جن سے یہوواہ نفرت کرتا ہے۔‏ (‏زبور 97:‏10‏)‏ ذیل میں چند ایسے کام درج ہیں جن سے خدا کے دوست بچتے ہیں:‏

جنسی بدفعلی۔‏ ‏”‏تُو زنا نہ کرنا۔‏“‏ (‏خروج 20:‏14‏)‏ شادی سے پہلے جنسی تعلقات رکھنا بھی غلط ہے۔‏—‏1-‏کرنتھیوں 6:‏18‏۔‏

شراب‌نوشی۔‏ ‏’‏شرابی خدا کی بادشاہی کے وارث نہیں ہونگے۔‏‘‏—‏1-‏کرنتھیوں 6:‏10‏۔‏

قتل،‏ اسقاطِ‌حمل۔‏ ‏”‏تُو خون نہ کرنا۔‏“‏—‏خروج 20:‏13‏۔‏

چوری۔‏ ‏”‏تُو چوری نہ کرنا۔‏“‏—‏خروج 20:‏15‏۔‏

جھوٹ بولنا۔‏ یہوواہ ”‏جھوٹی زبان“‏ سے نفرت کرتا ہے۔‏—‏امثال 6:‏17‏۔‏

 تشدد اور بےقابو غصہ۔‏ ‏”‏ظلم دوست سے [‏یہوواہ]‏ کو نفرت ہے۔‏“‏ (‏زبور 11:‏5‏)‏ ”‏اب جسم کے کام تو ظاہر ہیں .‏ .‏ .‏ غصہ۔‏“‏—‏گلتیوں 5:‏19،‏ 20‏۔‏

جؤا۔‏ ‏”‏لالچی .‏ .‏ .‏ سے صحبت نہ رکھو۔‏“‏—‏1-‏کرنتھیوں 5:‏11‏۔‏

نسلی اور طبقاتی نفرت۔‏ ‏”‏اپنے دشمنوں سے محبت رکھو اور اپنے ستانے والوں کے لئے دُعا کرو۔‏“‏—‏متی 5:‏43،‏ 44‏۔‏

ہماری بھلائی کے کام جن کا حکم خدا دیتا ہے۔‏ بُرے کاموں سے بچنا ہمیشہ آسان نہیں ہوتا۔‏ یہوواہ اور اُس کے گواہوں کی مدد سے آپ ایسے کام کرنے سے بچ سکتے ہیں جن سے خدا ناراض ہوتا ہے۔‏—‏یسعیاہ 48:‏17؛‏ فلپیوں 4:‏13؛‏ عبرانیوں 10:‏24،‏ 25‏۔‏