شیطان چاہتا ہے کہ آپ جادُومنتر کریں۔‏ بہتیرے لوگ خود کو نقصان سے بچانے کے لئے آباؤاجداد یا روحوں کے لئے قربانیاں پیش کرتے ہیں۔‏ وہ عالمِ‌ارواح کی قوتوں کے ڈر سے ایسا کرتے ہیں۔‏ وہ جادوئی انگوٹھیاں اور کڑے پہنتے ہیں۔‏ وہ ایسی ”‏ادویات“‏ پیتے یا اپنے بدنوں پر لگاتے ہیں جنکی بابت یہ خیال کِیا جاتا ہے کہ ان میں جادوئی قوت ہے۔‏ بعض لوگ اپنے گھروں یا زمین کے اندر ایسی چیزیں چھپا دیتے ہیں جنکی بابت یہ خیال کِیا جاتا ہے کہ یہ بچانے والی قوت رکھتی ہیں۔‏ دیگر لوگ جادوئی ”‏دوا“‏ استعمال کرتے ہیں کیونکہ اُنکے خیال میں یہ اُن کے کاروبار،‏ امتحان یا اُنکی محبت کو کامیاب بنائے گی۔‏

یہوواہ کا دوست بننا شیطان کے خلاف بہترین تحفظ ہے۔‏ یہوواہ خدا اور اُس کے فرشتے شیطان اور اُس کے شیاطین سے کہیں زیادہ طاقتور ہیں۔‏ (‏یعقوب 2:‏19؛‏ مکاشفہ 12:‏9‏)‏ یہوواہ اپنے دوستوں کے حق میں اپنی قوت کا مظاہرہ کرنے کا مشتاق ہے—‏وہ جو مکمل طور پر اُس کے وفادار ہیں۔‏—‏2-‏تواریخ 16:‏9‏۔‏

خدا کا کلام بیان کرتا ہے:‏ ”‏تم .‏ .‏ .‏ جادو منتر [‏نہ]‏ کرنا۔‏“‏ یہوواہ جادُومنتر اور جادوگری کی مذمت کرتا ہے کیونکہ یہ کام ایک شخص کو براہِ‌راست شیطان اِبلیس کی قوت کے زیرِاثر لا سکتے ہیں۔‏—‏احبار 19:‏26‏۔‏