سبق 2
خدا ہی آپکا بہترین دوست ہو سکتا ہے
خدا کا دوست بننا ہی آپکی زندگی کا بہترین مقصد ہو سکتا ہے۔ خدا آپکو خوشحال اور محفوظ رہنے کی تعلیم دے سکتا ہے؛ وہ آپ کو بہت سے غلط عقائد اور نقصاندہ رسموں سے چھٹکارا دِلائیگا۔ وہ آپ کی دُعائیں سنے گا۔ وہ ذہنی سکون اور اعتماد سے لطفاندوز ہونے کے لئے آپ کی مدد کریگا۔ (زبور 71:5؛ 73:28) خدا مصیبت میں آپ کی مدد کریگا۔ (زبور 18:18) اس کے علاوہ آپ خدا سے ہمیشہ کی زندگی کی بخشش بھی حاصل کر سکتے ہیں۔—رومیوں 6:23۔
خدا کے نزدیک جانے سے آپ خدا کے دیگر دوستوں کی قربت میں بھی آ جائینگے۔ وہ بھی آپکے دوست بن جائیں گے۔ درحقیقت، وہ آپ کے لئے بہن بھائیوں کی طرح ہونگے۔ وہ آپ کو خدا کی بابت تعلیم دے کر خوش ہوں گے اور آپکی مدد اور حوصلہافزائی بھی کرینگے۔
ہم خدا کے برابر نہیں ہیں۔ جب آپ خدا سے دوستی کے طالب ہوتے ہیں تو آپکو ایک اہم حقیقت کو سمجھنے کی ضرورت ہے۔ خدا کے ساتھ دوستی برابر کے لوگوں کے ساتھ دوستی کی مانند نہیں ہے۔ وہ ہم سے کہیں بڑا، صاحبِحکمت اور طاقتور ہے۔ وہ ہمارا راست حاکم ہے۔ پس اگر ہم اُس کے دوست بننا چاہتے ہیں تو ہمیں اُسکی باتوں پر دھیان دینا اور اُس کے ہر حکم پر عمل کرنا چاہئے۔ یہ ہمیشہ ہمارے لئے مفید ثابت ہوگا۔—یسعیاہ 48:18۔