خدا کا سب سے بڑا دُشمن شیطان اِبلیس ہے۔‏ یہ ایک روحانی مخلوق ہے جس نے یہوواہ کے خلاف بغاوت کی تھی۔‏ شیطان ہمیشہ خدا کی مخالفت کرتا رہتا ہے اور انسانوں کیلئے بڑے مسائل پیدا کرتا ہے۔‏ شیطان بدکار ہے۔‏ وہ جھوٹا اور خونی بھی ہے۔‏—‏یوحنا 8:‏44‏۔‏

دوسرے روحانی مخلوق بھی خدا کے خلاف شیطان کی بغاوت میں شامل ہو گئے۔‏ بائبل اُنہیں شیاطین کہتی ہے۔‏ شیطان کی طرح،‏ شیاطین بھی انسانوں کے دُشمن ہیں۔‏ وہ لوگوں کو نقصان پہنچا کر خوش ہوتے ہیں۔‏ (‏متی 9:‏32،‏ 33؛‏ 12:‏22‏)‏ یہوواہ شیطان اور اُس کے شیاطین کو ہمیشہ کیلئے تباہ‌وبرباد کر دے گا۔‏ اب اُن کے پاس انسانوں کو تکلیف پہنچانے کیلئے بہت تھوڑا سا وقت رہ گیا ہے۔‏—‏مکاشفہ 12:‏12‏۔‏

اگر آپ خدا کے دوست بننا چاہتے ہیں تو آپکو وہ کام نہیں کرنے چاہئیں جو شیطان آپ سے کروانا چاہتا ہے۔‏ شیطان اور شیاطین یہوواہ سے نفرت کرتے ہیں۔‏ وہ خدا کے دُشمن ہیں اور وہ آپکو بھی خدا کا دُشمن بنانا چاہتے ہیں۔‏ آپکو انتخاب کرنا ہوگا کہ آپ شیطان یا یہوواہ،‏ دونوں میں سے کس کو خوش کرنا چاہتے ہیں۔‏ اگر آپ ہمیشہ کی زندگی حاصل کرنا چاہتے ہیں تو آپکو خدا کی مرضی پوری کرنے کا انتخاب کرنا چاہئے۔‏ شیطان کے پاس لوگوں کو دھوکا دینے کے کئی طریقے اور ڈھنگ ہیں۔‏ زیادہ‌تر لوگ اُس کے فریب میں آ رہے ہیں۔‏—‏مکاشفہ 12:‏9‏۔‏