جب آپ کسی دوست کو پسند کرتے اور اُس کا احترام کرتے ہیں تو آپ اُس کی مانند بننے کی کوشش کرتے ہیں۔‏ بائبل بیان کرتی ہے،‏ ”‏[‏یہوواہ]‏ نیک اور راست ہے۔‏“‏ (‏زبور 25:‏8‏)‏ خدا کا دوست بننے کیلئے ہمیں بھی نیک اور راست ہونا چاہئے۔‏ بائبل بیان کرتی ہے:‏ ”‏پس عزیز فرزندوں کی طرح خدا کی مانند بنو۔‏ اور محبت سے چلو۔‏“‏ (‏افسیوں 5:‏1،‏ 2‏)‏ ایسا کرنے کے چند طریقے حسبِ‌ذیل ہیں:‏

دوسروں کی مدد کریں۔‏ ‏”‏سب کیساتھ نیکی کریں۔‏“‏—‏گلتیوں 6:‏10‏۔‏

محنت کریں۔‏ ‏”‏چوری کرنے والا پھر چوری نہ کرے بلکہ اچھا پیشہ اختیار کرکے ہاتھوں سے محنت کرے۔‏“‏—‏افسیوں 4:‏28‏۔‏

جسمانی اور اخلاقی طور پر پاک‌صاف رہیں۔‏ ‏”‏آؤ ہم اپنے آپ کو ہر طرح کی جسمانی اور روحانی آلودگی سے پاک کریں اور خدا کے خوف کیساتھ پاکیزگی کو کمال تک پہنچائیں۔‏“‏—‏2-‏کرنتھیوں 7:‏1‏۔‏

 اپنے خاندانی افراد کے ساتھ محبت اور احترام سے پیش آئیں۔‏ ‏”‏تم میں سے بھی ہر ایک اپنی بیوی سے اپنی مانند محبت رکھے اور بیوی اس بات کا خیال رکھے کہ اپنے شوہر سے ڈرتی رہے۔‏ اَے فرزندو!‏ .‏ .‏ .‏ اپنے ماں باپ کے فرمانبردار رہو۔‏“‏—‏افسیوں 5:‏33–‏6:‏1‏۔‏

دوسروں کے لئے محبت دکھائیں۔‏ ‏”‏آؤ ہم ایک دوسرے سے محبت رکھیں کیونکہ محبت خدا کی طرف سے ہے۔‏“‏—‏1-‏یوحنا 4:‏7‏۔‏

ملکی قانون کی پابندی کریں۔‏ ‏”‏ہر شخص [‏حکومت]‏ کا تابعدار رہے .‏ .‏ .‏ سب کا حق ادا کرو۔‏ جسکو خراج چاہئے خراج دو۔‏“‏—‏رومیوں 13:‏1،‏ 7‏۔‏