بائبل سے مثالیں:‏

• رُوت 1:‏11-‏13،‏ 20‏—‏نعومی بیوہ تھیں اور اُن کے دونوں بیٹے فوت ہو گئے تھے۔ اُنہیں لگ رہا تھا جیسے یہوواہ نے اُنہیں چھوڑ دیا ہے۔‏

• ایو 3:‏1،‏ 11،‏ 25، 26؛‏ 10:‏1‏—‏ایوب نے اپنے دس بچوں اور مال‌ودولت کو کھو دیا اور وہ شدید بیمار ہو گئے۔ اِن سب باتوں کی وجہ سے وہ بہت تلخ ہو گئے۔‏

تسلی بھری آیتیں:‏

• روم 12:‏19؛‏ یعقو 1:‏13

تسلی‌بخش واقعات:‏

• رُوت 1:‏6، 7،‏ 16-‏18؛‏ 2:‏2،‏ 19، 20؛‏ 3:‏1؛‏ 4:‏14-‏16‏—‏نعومی کی تلخی اُس وقت خوشی میں بدل گئی جب وہ اپنی قوم کے لوگوں کے پاس لوٹ گئیں، اُنہوں نے اُن کی طرف سے ملنے والے مدد کو قبول کِیا اور خود بھی دوسروں کی مدد کی۔‏

• ایو 42:‏7-‏16؛‏ یعقو 5:‏11‏—‏ایوب ثابت‌قدمی سے اپنے ایمان پر قائم رہے اور اِس کے لیے یہوواہ نے اُنہیں بہت برکتیں دیں۔‏

بائبل سے مثالیں:‏

• 1-‏سمو 1:‏6، 7،‏ 10،‏ 13-‏16‏—‏حنّہ اپنی سوتن فننہ کے بُرے رویے کی وجہ سے بہت دُکھی رہتی تھیں اور جب کاہنِ‌اعظم عیلی نے اُنہیں غلط سمجھا تو تب بھی اُن کا دل بہت دُکھا۔‏

• ایو 8:‏3-‏6؛‏ 16:‏1-‏5؛‏ 19:‏2، 3‏—‏ایوب کے تین دوستوں نے اُنہیں بہت بُرا بھلا کہا اور بِنا سچ جانے اُن پر اِلزام لگائے۔ اِس وجہ سے ایوب کا زخمی دل اَور درد سے بھر گیا۔‏

تسلی بھری آیتیں:‏

• زبور 37:‏8، 9؛‏ اِفِس 4:‏26

تسلی‌بخش واقعات:‏

• 1-‏سمو 1:‏9-‏11،‏ 18‏—‏جب حنّہ نے یہوواہ کو دل کھول کر اپنے احساسات بتائے تو اُن کے دل کا بوجھ ہلکا ہو گیا۔‏

• ایو 42:‏7، 8،‏ 10،‏ 17‏—‏جب ایوب نے اپنے تین دوستوں کو معاف کر دیا تو یہوواہ نے پھر سے اُن کی زندگی خوشیوں سے بھر دی اور ایوب کی صحت بھی اچھی ہو گئی۔‏

بائبل سے مثالیں:‏

• 2-‏سلا 22:‏8-‏13؛‏ 23:‏1-‏3‏—‏جب بادشاہ یوسیاہ اور لوگوں نے موسیٰ کی شریعت میں لکھی باتیں سنیں تو اُنہیں احساس ہوا کہ اُنہوں نے بہت بڑے گُناہ کیے ہیں۔‏

• عز 9:‏10-‏15؛‏ 10:‏1-‏4‏—‏کاہن عزرا اور باقی لوگ اُس وقت شرمندگی کے بوجھ تلے دب گئے جب اُنہیں احساس ہوا کہ اُن کی قوم کے کچھ لوگوں نے غیرقوم عورتوں سے شادی کر کے یہوواہ کا دل دُکھایا ہے۔‏

• لُو 22:‏54-‏62‏—‏جب پطرس رسول نے تین بار یسوع کو جاننے سے اِنکار کِیا تو وہ شرمندگی کے بوجھ تلے دب گئے۔‏

تسلی بھری آیتیں:‏

• زبور 32:‏5؛‏ 103:‏9-‏14؛‏ یسع 1:‏18؛‏ اعما 3:‏19

• یسع 38:‏17؛‏ میک 7:‏18، 19 کو بھی دیکھیں۔‏

تسلی‌بخش واقعات:‏

• 2-‏توا 33:‏9-‏13،‏ 15، 16‏—‏منسّی ملک یہوداہ کے بادشاہوں میں سب سے بُرے بادشاہ تھے۔ لیکن پھر اُنہوں نے اپنے گُناہوں سے توبہ کی اور یہوواہ نے اُن پر رحم کِیا۔‏

•  لُو 15:‏11-‏32‏—‏یسوع مسیح نے ایک کھوئے ہوئے بیٹے کی مثال دے کر واضح کِیا کہ یہوواہ اُن لوگوں کو دل کھول کر اور مکمل طور پر معاف کر دیتا ہے جو دل سے توبہ کرتے ہیں۔‏

بائبل سے مثالیں:‏

• 2-‏سلا 20:‏1-‏3‏—‏جب بادشاہ حِزقیاہ بیمار ہو گئے اور مرنے والے تھے تو وہ بہت روئے۔‏

• فِل 2:‏25-‏30‏—‏اِپَفردِتُس اِس بات کی وجہ سے بہت دُکھی تھے کہ فِلپّی میں رہنے والے بہن بھائیوں کو پتہ چل گیا ہے کہ وہ بیمار ہیں۔ وہ یہ سوچ کر پریشان ہو رہے تھے کہ کہیں وہ بہن بھائی یہ نہ سوچیں کہ وہ اپنی ذمے‌داری کو پورا کرنے میں ناکام ہو گئے ہیں۔‏

تسلی بھری آیتیں:‏

• زبور 92:‏12-‏14؛‏ یسع 40:‏29-‏31؛‏ 46:‏4؛‏ 2-‏کُر 8:‏12

 تسلی‌بخش واقعات:‏

• 2-‏سمو 17:‏27-‏29؛‏ 19:‏31-‏38‏—‏بادشاہ داؤد برزِلّی کی بہت عزت کرتے تھے اور اُنہوں نے برزِلّی سے کہا کہ وہ اُن کے ساتھ یروشلم چلیں۔ لیکن برزِلّی نے اِس دعوت کو قبول کرنے سے اِنکار کر دیا۔ اُنہوں نے خاکساری سے اِس بات کو تسلیم کِیا کہ بوڑھے ہونے کی وجہ سے وہ بادشاہ کے اِتنے کام نہیں آ سکیں گے۔‏

• زبور 41:‏1-‏3،‏ 12‏—‏جب بادشاہ داؤد بہت شدید بیمار ہو گئے تو اُنہیں پورا یقین تھا کہ یہوواہ اُن کی مدد کرے گا۔‏

• مر 12:‏41-‏44‏—‏یسوع مسیح نے غریب بیوہ کے عطیے کے لیے اُس کی تعریف کی کیونکہ اُس نے اپنا سب کچھ یعنی اپنے سارے پیسے عطیے کے طور پر دے دیے۔‏