آپ نے بائبل کورس کے دوران یہوواہ خدا کے بارے میں بہت سی باتیں سیکھ لی ہیں۔ ہو سکتا ہے کہ آپ نے اِن باتوں پر عمل کرتے ہوئے اپنی زندگی میں کچھ تبدیلیاں بھی کی ہوں۔ لیکن شاید کوئی چیز آپ کو یہوواہ کے لیے زندگی وقف کرنے اور بپتسمہ لینے سے روک رہی ہو۔ اِس سبق میں کچھ ایسی ہی رُکاوٹوں پر بات کی جائے گی اور بتایا جائے گا کہ آپ اِن رُکاوٹوں پر کیسے قابو پا سکتے ہیں۔‏

1.‏ آپ کو بپتسمہ لینے سے پہلے بائبل کا کتنا علم حاصل کرنے کی ضرورت ہے؟‏

بپتسمہ لینے کے لیے ضروری ہے کہ آپ کے پاس ‏”‏سچائی کے بارے میں صحیح علم“‏ ہو۔ (‏1-‏تیمُتھیُس 2:‏4‏)‏ اِس کا یہ مطلب نہیں ہے کہ بپتسمہ لینے سے پہلے آپ کو ہر اُس سوال کا جواب آتا ہو جس کا تعلق بائبل سے ہے۔ جن مسیحیوں نے کئی سال سے بپتسمہ لیا ہوا ہے، وہ بھی اب تک بائبل کے بارے میں نئی نئی باتیں سیکھ رہے ہیں۔ (‏کُلسّیوں 1:‏9، 10‏)‏ لیکن بپتسمہ لینے کے لیے ضروری ہے کہ آپ بائبل کی بنیادی تعلیمات کو سمجھتے ہوں۔ کلیسیا کے بزرگ یہ جاننے میں آپ کی مدد کریں گے کہ آپ کے پاس یہ بنیادی علم ہے یا نہیں۔‏

2.‏ بپتسمہ لینے سے پہلے آپ کو کون سے قدم اُٹھانے چاہئیں؟‏

بپتسمہ لینے کے لیے ضروری ہے کہ آپ ‏”‏توبہ کریں اور اپنی روِش بدلیں۔“‏ (‏اعمال 3:‏19 کو پڑھیں۔)‏ اِس کا مطلب ہے کہ اگر آپ سے ماضی میں کوئی گُناہ ہوا ہے تو آپ کو دل سے اُس پر پچھتانا چاہیے اور یہوواہ خدا سے اُس کی معافی مانگنی چاہیے۔ آپ کو اُن سارے کاموں سے مکمل طور پر دُور رہنا چاہیے جو یہوواہ خدا کو پسند نہیں ہیں اور یہ عزم کرنا چاہیے کہ آپ اُس کی مرضی کے مطابق زندگی گزاریں گے۔ اِس کے علاوہ آپ کو اِجلاسوں میں جانا چاہیے اور ایک غیربپتسمہ‌یافتہ مبشر کے طور پر کلیسیا کے ساتھ مل کر مُنادی کرنی چاہیے۔‏

3.‏ آپ کو بپتسمہ لینے سے ہچکچانا کیوں نہیں چاہیے؟‏

کچھ لوگ اِس لیے بپتسمہ لینے سے ہچکچاتے ہیں کیونکہ اُنہیں لگتا ہے کہ وہ یہوواہ سے کِیا اپنا وعدہ پورا نہیں کر پائیں گے۔ یہ سچ ہے کہ کبھی کبھار آپ سے غلطیاں ہوں گی جیسے خدا کے اُن بندوں سے ہوئیں جن کا بائبل میں ذکر کِیا گیا ہے۔ لیکن یہوواہ خدا اپنے بندوں سے یہ توقع نہیں کرتا کہ اُن سے کبھی کوئی غلطی نہ ہو۔ (‏زبور 103:‏13، 14 کو پڑھیں۔)‏ اگر آپ اُس کے حکموں پر عمل کرنے کی پوری کوشش کرتے ہیں تو وہ اِس بات سے خوش ہوتا ہے۔ وہ آپ کی مدد ضرور کرے گا۔ یہوواہ ہمیں یقین دِلاتا ہے کہ کوئی بھی چیز ہمیں ‏’‏خدا کی محبت سے جُدا نہیں کر سکتی۔‘‏‏—‏رومیوں 8:‏38، 39 کو پڑھیں۔‏

 موضوع کی گہرائی میں جائیں

4.‏ یہوواہ خدا کو اَور اچھی طرح جانیں

5.‏ بپتسمہ لینے کی راہ میں آنے والی رُکاوٹوں پر قابو پائیں

 6.‏ یقین رکھیں کہ یہوواہ خدا آپ کی مدد کرے گا

7.‏ اپنے دل میں یہوواہ کی محبت کے لیے قدر بڑھائیں

 خلاصہ

یہوواہ خدا کی مدد سے آپ کسی بھی ایسی رُکاوٹ پر قابو پا سکتے ہیں جو آپ کو بپتسمہ لینے سے روک سکتی ہے۔‏

دُہرائی

• بپتسمہ لینے کے لیے آپ کے پاس بائبل کا کتنا علم ہونا چاہیے؟‏

• بپتسمہ لینے سے پہلے آپ کو کون سی تبدیلیاں کرنی پڑ سکتی ہیں؟‏

• آپ کو بپتسمہ لینے سے کیوں نہیں ہچکچانا چاہیے؟‏