Ẹmienyo
Mavọ yen ẹmienyo ghanre te?
Ey 19:5; Urh 10:12, 13; Agh 12:13; Jem 1:22
-
Idje rehẹ Baibol re sa cha avwanre uko:
-
1Sa 15:17-23—Ọke rẹ Ovie Sọl vwo gbevwọso Jihova; ọmraro Samuẹl da ghwọkuo je karunumu ọghanrovwẹ rẹ ẹmienyo
-
Hib 5:7-10—Dede nẹ, notọrhe yen Jesu vwọ dia ọmọ rẹ Ọghẹnẹ rọ gbare, o yono ẹmienyo vwo nẹ oja rọ re re ọke rọ vwọ hẹ otọrakpọ na
-
Die yen Onenikristi che ru ọ da dianẹ ihwo ri suẹn tare nẹ o gbe vwọso Ọghẹnẹ?
-
Idje rehẹ Baibol re sa cha avwanre uko:
-
Da 3:13-18—Dede nẹ arhọ rayen hẹ ẹdia rẹ imuoshọ, emeshare ri Hibru erha na rhọnvwe nuẹ uyovwin kpotọ kẹ oma rẹ Ovie Nẹbukadreza vwo vi na-a
-
Mt 22:15-22—Jesu tare nẹ idibọ rọyen nyẹme rẹ ihwo ri suẹn jokpanẹ oborẹ ayen tare na vwọso urhi ri Jihova Ọghẹnẹ
-
Iru 4:18-31—Ihwo ri suẹn vwọ tobọ jurhi kẹ ayen nẹ ayen dobọji, iyinkọn na fiudugberi ghwoghwo ọkieje
-
Die yen a guọnọre nẹ avwanre ru e se vwo nene iji ri Jihova ọkieje?
Urh 6:1-5; Un 112:1; 1Jọ 5:2, 3
Ji ni Un 119:11, 112; Ro 6:17
-
Idje rehẹ Baibol re sa cha avwanre uko:
-
Ẹzr 7:7-10—Ẹzra rọ dia orherẹn rọ fuevun na muegbe rẹ ubiudu rọyen rere o se vwo nene Urhi rẹ Ọghẹnẹ ji yono ihwo efa kpahọn
-
Jọ 14:31—Jesu vuẹ avwanre oboresorọ o vwo ruẹ nene oborẹ Ọsẹ rọyen vuẹrẹ nẹ o ru
-
Die yen mu avwanre vwo nyẹme ri Jihova vẹ Jesu?
Mavọ yen ẹmienyo rẹ avwanre vwo djephia nẹ e vwo esegbuyota?
Ro 1:5; 10:16, 17; Jem 2:20-23
Ji ni Urh 9:23
-
Idje rehẹ Baibol re sa cha avwanre uko:
-
Jẹ 6:9-22; Hib 11:7—Noa dje esegbuyota rọyen phia rọ vwọ kare okọ na abavo nene oborẹ Jihova vuẹrẹ nẹ o ruo wan, o “de ru” ọtiọyen
-
Hib 11:8, 9, 17—Ebraham dje esegbuyota rọyen phia ro vwo ru nene obo ri Jihova vuẹrẹ, o de vrẹn nẹ Ur je reyọ ọmọ rọyen vwo ze izobo
-
Die yen Jihova ve kẹ ihwo ri nyẹme rọyen?
-
Idje rehẹ Baibol re sa cha avwanre uko:
-
Li 26:3-6—Jihova veri nẹ ọyen che bruba je vwẹrote ihwo ri nyẹme rọyen
-
Uk 13:30, 31; 14:22-24—Kidie nẹ Kaleb nyẹme, Jihova de bruba kẹ
-
Die yen jẹmienyo ghwa cha?
-
Idje rehẹ Baibol re sa cha avwanre uko:
-
Jẹ 2:16, 17; 3:17-19—Kidie nẹ Adam vẹ Ivi nyẹme rẹ Jihova Ọghẹnẹ-ẹ, ayen de ku Arhọ ri bẹdẹ, iparadaisi, kugbe arhọ ọgbagba rayen kufia
-
Urh 18:18, 19; Iru 3:12, 18, 22, 23—Jihova tarọ phiyotọ nẹ Ọmraro rọ rho nẹ Mosis cha, nẹ kohwo kohwo ro nyupho rọye-en kọ rioja
-
Jud 6, 7—Emekashe ri gbevwọso na kugbe ihwo ri Sodọm vẹ Gomora kpare ophu ri Jihova fikirẹ jẹmienyo rayen
-
Diesorọ e vwo nyẹme ri Jesu?
Jẹ 49:10; Mt 28:18
-
Idje rehẹ Baibol re sa cha avwanre uko:
-
Jọ 12:46-48; 14:24—Jesu tare nẹ ohwo rọ jẹ eta rọyen fia che hirharoku ẹdjọeguo
-
Diesorọ Inenikristi vwo nyẹme rẹ iniruo rehẹ evunrẹ ukoko na?
Diesorọ oniọvo aye vwọ vwomakpotọ kẹ ọshare rọyen?
Diesorọ a vwọ tanẹ emọ nyẹme rẹ esẹ vẹ ini rayen?
-
Idje rehẹ Baibol re sa cha avwanre uko:
-
Jẹ 37:3, 4, 8, 11-13, 18—Josẹf vwọ hẹ eghene, o nyupho rẹ ọsẹ rọyen, ọ da yanran ra mrẹ iniọvo rọyen dede nẹ ayen vwo utuoma kpahọn
-
Lu 2:51—Jesu ọyen ohwo rọ gbare, dedena o ji muọghọ kẹ Josẹf vẹ Meri re dia ọsẹ vẹ oni rọyen vwẹ otorakpọ na jẹ ayen dia ihwo re gbare-e
-
Diesorọ ọ vwọ dia emu aghwanre e vwo muọghọ kẹ ohwo re ruiruo kẹ ọ da tobọ dianẹ a rhẹrẹ avwanre-e?
Diesorọ Inenikristi vwo muọghọ kẹ isuon?