Ọkpọvi
Ra vwọ reyọ ọkpọvi
Diesorọ o vwo fo a vwo reyọ ọkpọvi ro nẹ Baibol rhe?
Un 32:8; Isẹ 15:22; 19:20; 20:18
Ji ni Isẹ 11:14; Aiz 28:29; Jer 32:19
Diesorọ a vwọ kerhọ kẹ ọkpọvi ukpe revwo guomariase?
Isẹ 12:15; 29:1
Ji ni Isẹ 1:23-31; 15:31
-
Idje rehẹ Baibol re sa cha avwanre uko:
-
1Sa 15:3, 9-23—Ọke ọmraro Samuẹl vwọ reyọ ọkpọvi vwọ kẹ Sọl, o de guomariase je sen ọkpọvi na; ọtiọyena Jihova da siọn
-
2Ik 25:14-16, 27—Ovie Amazaya ru umwemwu je sen ọkpọvi ro nẹ obọ rẹ ọmraro ri Jihova rhe, ọnana da nẹrhẹ o ku aroesiri vẹ ochọnvwe ri Jihova kufia
-
Diesorọ o vwo fo e vwo muọghọ kẹ iniruo siẹrẹ ayen da vwẹ ọkpọvi phia?
1Tẹ 5:12; 1Ti 5:17; Hib 13:7, 17
-
Idje rehẹ Baibol re sa cha avwanre uko:
-
3Jọ 9, 10—Ọyinkọn Jọn ghwọku Diotrifis kidie o muọghọ kẹ ihwo re kobaro vwẹ ukoko na-a
-
Diesorọ a vwọ kerhọ rẹ ihwo re kpakore?
Li 19:32; Isẹ 16:31
Ji ni Job 12:12; 32:7; Tai 2:3-5
-
Idje rehẹ Baibol re sa cha avwanre uko:
-
1Sa 23:16-18—Ovie Devid kerhọ rẹ uchebro ri Jonatan, rọ vwẹ egbukpe 30 soso vwo vie, je mrẹ ọbọngan norhe
-
1Iv 12:1-17—Ovie Rehoboam sen uvi rẹ uchebro rẹ ekpako na ọ da kerhọ rẹ erharhe uchebro rẹ imighene na, ọnana da ghwa okpetu rhe
-
Die yen djerephia nẹ eya re fuevun vẹ idibo ri Jihova re dia imighene sa vwẹ uchebro aghwanre phia?
Job 32:6, 9, 10; Isẹ 31:1, 10, 26; Agh 4:13
Ji ni Un 119:100
-
Idje rehẹ Baibol re sa cha avwanre uko:
-
1Sa 25:14-35—Uchebro rẹ Abigail wọ kẹ Ovie Devid sivwin arhọ rẹ ihwo buebun je nẹrhẹ ọ vrabọ rẹ abe ọbara
-
2Sa 20:15-22—Ọvwẹghwanre aye ọvo vwẹ orere rẹ Ebẹl sivwin ihwo eje womarẹ uchebro rọ vwọphia
-
2Iv 5:1-14—Ọmọte rẹ Izrẹl ọvo vwẹ iroroẹjẹ ọvo phia rọ nẹrhẹ ọgba ofovwin ọvo vughe asan ro di se sivwin ọga rẹ oti rọyen
-
Diesorọ o fo nẹ a kerhọ rẹ ihwo ri muọghọ kẹ Jihova vẹ Ota roye-en?
Un 1:1; Isẹ 4:14
Ji ni Lu 6:39
-
Idje rehẹ Baibol re sa cha avwanre uko:
-
1Ik 10:13, 14—Ovie Sọl ra bọ ẹpha ukpe rọ vwọ guọnọ ukẹcha ri Jihova, o de ghwu fikiri jẹmienyo
-
2Ik 22:2-5, 9—Ovie Ahazaya ghwuru kidie o nene orharhe uchebro
-
Job 21:7, 14-16—Job sen iroro rẹ ihwo ri muọghọ kẹ Jihova-a
-
Ra vwọ vwẹ ọkpọvi phia
Diesorọ o vwo yovwin e nyo mie kohwo kohwo rẹ ota na shekpahen tavwen a ke vwẹ ọkpọvi phia?
Isẹ 18:13, 17
Ji ni Isẹ 25:8
-
Idje rehẹ Baibol re sa cha avwanre uko:
-
1Sa 1:9-16—Orherẹn rode Eli ghwọku Hannah gangan tavwen o ki rhi vughe ẹdia rọ hepha, ji roro nẹ ọ da udi
-
Mt 16:21-23—Ọyinkọn Pita ghwọku Jesu, je vuẹ nẹ o ru oborẹ Eshu guọnọre ukperẹ ọdavwẹ ri Jihova
-
Diesorọ a vwọ nẹrhovwo rhe Jihova kpahen odjekẹ tavwen a ke vwẹ ọkpọvi phia?
Un 32:8; 73:23, 24; Isẹ 3:5, 6
-
Idje rehẹ Baibol re sa cha avwanre uko:
-
Ey 3:13-18—Ọmraro Mosis vuẹ Jihova nẹ ọ cha ọyen uko kpahen obo ro se ru vwo si ebẹnbẹn rẹ ihwo rẹ Izrẹl na nọ
-
1Iv 3:5-12—Ovie Solomọ nokpẹn rẹ aghwanre mie Jihova ukperẹ rọ vwẹ vwẹroso omobọ rọyen, Jihova de bruba kẹ
-
Diesorọ o vwo fo e vwo mu uchebro avwanre eje kpahen Baibol na ọkieje?
Un 119:24, 105; Isẹ 19:21; 2Ti 3:16, 17
Ji ni Urh 17:18-20
-
Idje rehẹ Baibol re sa cha avwanre uko:
-
Mt 4:1-11—Ukperẹ Jesu vwo reyọ aghwanre romobọ rọyen vwọ kpahen kẹ Eshu ọke rọ vwọ davwọni, ọ da reyọ Ota rẹ Ọghẹnẹ vwọ kpahen kẹ
-
Jọ 12:49, 50—Jesu tare nẹ ọyen muẹ iyono rọyen kpahen oborẹ ọsẹ rọyen yoniro, ofori nẹ a vwẹrokere
-
Diesorọ a vwọ dia dẹndẹn ji jiri ohwo ra vwẹ uchebro kẹ na siẹrẹ o de fo?
Ji ni Aiz 9:6; 42:1-3; Mt 11:28, 29
-
Idje rehẹ Baibol re sa cha avwanre uko:
-
2Ik 19:2, 3—Jihova vwẹ ọkpọvi vwọ kẹ Ovie Jehoshafat womarẹ ọmraro ẹkẹvuọvo jiriro fikirẹ erhuvwu ro ruru
-
Ẹvw 2:1-4, 8, 9, 12-14, 18-20—Jesu jiri ikoko buebun tavwen ọ ke vwẹ uchebro kẹ ayen
-
Ọ da dianẹ oniọvo ọvo brenu kpahen oniọvo ọfa ro gbere ku, e gbe dje nẹ ọ ghwa rọ re yẹrẹ ta ota ọbrabra kpahọn, diesorọ e vwo jiro kẹ nẹ o brẹ oniọvo ro gbere ku na ra ayen ihwo ivẹ ọvo ta ota kugbe?
Ji ni Ey 19:17
Mavọ yen e se vwo jiro kẹ ọ re gbeku na nẹ o vwo edirin, gbe arodovwẹ ji vwo ghovwo?
Mt 18:21, 22; Mk 11:25; Lu 6:36; Ẹf 4:32; Kọl 3:13
Ji ni Mt 6:14; 1Kọ 6:1-8; 1Pi 3:8, 9
-
Idje rehẹ Baibol re sa cha avwanre uko:
-
Mt 18:23-35—Jesu kpe itẹ ọvo ji dje obo rọ ghanre te ra vwọ reyọ vwo ghovwo
-
Diesorọ o vwo fo e vwo nene iwan ri Jihova siẹrẹ a da vwẹ uchebro phia?
Un 141:5; Isẹ 17:10; 2Kọ 7:8-11
-
Idje rehẹ Baibol re sa cha avwanre uko:
-
1Sa 15:23-29—Oshọ rẹ Samuẹl vwọ reyọ ọghwọku vwọ kẹ Ovie Sọl muro-o
-
1Iv 22:19-28—Ọmraro Maikaya rhọvwe wene ọghwọku rọ vwọ kẹ Ovie Ehabu-u, dede nẹ o gboja kẹ je djeguegue muo
-
Mavọ yen e se vwo bru ohwo uche je sẹnro oyerinkugbe rọyen vẹ Jihova?
-
Idje rehẹ Baibol re sa cha avwanre uko:
-
Lu 22:31-34—Dede nẹ ọyinkọn Pita ru oruchọ buebun, Jesu vwẹrosuọ nẹ ọ je sa vwẹ ọbọngan kẹ ihwo efa
-
Flm 21—Ọyinkọn Pọl vwẹroso Filemọn nẹ o che ru nene uchebro rọhẹ ota rẹ Ọghenẹ
-
Mavọ yen a sa vwọ dia dẹndẹn siẹrẹ a da vwẹ uchebro kẹ ihwo rẹ ofu dje yẹrẹ ẹwẹn rayen kuọre?
Mavọ e se vwo djephia kẹ ohwo ro ru umwemwu nẹ avwanre guọnọ vwọ ukẹcha kẹ vwo uvi oyerinkugbe vẹ Jihova?
Mavọ e se vwo brọghọ phiyọ ihwo ra vwẹ uchebro kẹ oma, o wenẹ ayen eya yẹrẹ eshare ọ da tobọ diane o toro ikpe rayen hepha-a?
Ohwo da jẹ uchebro ra vwọ kẹ fia abọ buebun re, diesorọ o vwo fo ekpako na vwọ vwẹ ọghwọku ro fori vwọ kẹ?
Wọ je sa Fuẹrẹn
VWẸROKERE ESEGBUYOTA RAYEN
Abigail Dje Aghwanre Phia
Die yen e se yono vwo nẹ oborẹ Abigail chirakon rẹ orọnvwe rọ vọnre vẹ ebẹnbẹn?
OBO WO SE YONO VWẸ BAIBOL NA
Ọgbofovwin na Kugbe Ọmọtẹ Na
Ọmọtẹ rẹ Izrẹl ọvo vuẹ aye rẹ onini rọyen kpahen ẹgba rode rẹ Jihova, ọnana da ghwa erere gbidiki rhe.
VWẸROKERE ESEGBUYOTA RAYEN
Pita Fuevun Vwẹ Ọke rẹ Edavwini
Mavọ yen esegbuyota vẹ evun-ẹfuọn ri Pita vwọ chọn uko vwo rhiabọreyọ ọghwọku rẹ Jesu vwọ kẹ?
KPAHEN AVWANRE
Nokpẹn rẹ Uyono ri Baibol
Ovwan ta ota kpahen onọ ri Baibol ọvo, yẹrẹ riẹn emu efa kpahen Iseri ri Jihova.
