Omaẹvwọkpahotọ
Die yen mu avwanre vwọ vwomakpahotọ kẹ Jihova Ọghẹnẹ?
Urh 6:5; Lu 10:25-28; Ẹvw 4:11
Ji ni Ey 20:5
Ẹro vọ yen ofori nẹ e vwo ni Baibol na, ọ da dianẹ avwanre guọnọ ga Ọghẹnẹ?
Die yen ofori nẹ a mrẹvughe kpahen oborẹ Ọghẹnẹ cha avwanre uko vwo phi umwemwu kparobọ?
Die yen o churobosi e vwo kurhẹriẹ nẹ erharhe erọnvwọn re ruru vwẹ obuko re?
-
Idje rehẹ Baibol re sa cha avwanre uko:
-
Lu 19:1-10—Zakiọs, rọ dia onotu rẹ ihwo ri phi osa uyovwin, kurhẹriẹ nẹ uruemu rẹ ọghware rọyen, ọ da je vwẹ igho ro gborho mie ihwo na rhoma vwọ kẹ ayen
-
1Ti 1:12-16—Ọyinkọn Pọl djisẹ rẹ obo rọ kpairoro vrẹ akpọ umwemwu je mrẹ evwoghovwo womarẹ arodọnvwẹ rẹ Ọghẹnẹ vẹ Kristi
-
Vwọ vrẹ a vwọ dobọrẹ orharhe uruemu ji, die ọfa yen ofori nẹ e ru?
Iwan efa vọ yen ofori nẹ e nene rere Ọghẹnẹ se vwo rhiabọreyọ ẹga avwanre?
1Kọ 6:9-11; Kọl 3:5-9; 1Pi 1:14, 15; 4:3, 4
-
Idje rehẹ Baibol re sa cha avwanre uko:
-
1Kọ 5:1-13—Ọyinkọn Pọl vuẹ ukoko rọhẹ Kọrẹnt nẹ ayen si ohwo ro gbe ọfanrhiẹn vwo nẹ ohri rayen
-
2Ti 2:16-19—Ọyinkọn Pọl si Timoti orhọ nẹ ọ kẹnoma kẹ eta rẹ ihwo ri she nẹ ukoko na ri gbevwọsua, re hrabọ kerẹ ora ro brẹ
-
Diesorọ o vwo je fo idibo rẹ Ọghẹnẹ vwo bicha isuon rẹ akpọ na?
Aiz 2:3, 4; Jọ 15:19
-
Idje rehẹ Baibol re sa cha avwanre uko:
-
Jọ 6:10-15—Jesu vwọ ghẹrẹ otu gbidigbidi buebun nu, ihwo ke guọnọ reyọ vwo mu ovie, ẹkẹvuọvo Jesu de sioma reyọ nẹ ohri rayen
-
Jọ 18:33-36—Jesu djere phephẹn nẹ Uvie rọyen vẹ usuon rẹ ihworakpọ vwo emu vuọvo kugbe-e
-
Idjerhe vọ yen ẹwẹn ofuanfon na vwọ cha avwanre uko vwọ ga Ọghẹnẹ?
Ji ni Iru 20:28; Ẹf 5:18
-
Idje rehẹ Baibol re sa cha avwanre uko:
-
Iru 15:28, 29—Ẹwẹn ọfuanfon na vwẹ ukẹcha kẹ ẹko rọ vwẹrote rọhẹ Jerusalẹm vwo brorhiẹn ọghanghanre ro shekpahen oyanvwe
-
Idjerhe vọ yen avwanre sa vwọ vwẹ ẹga kẹ Ọghẹnẹ kirobo rẹ Jesu Kristi ruru?
Diesorọ Inenikristi re vwomakpahotọ vwọ guọnọ omaebrophiyame?
Mt 28:19, 20; Iru 2:40, 41; 8:12; 1Pi 3:21
-
Idje rehẹ Baibol re sa cha avwanre uko:
-
Mt 3:13-17—Jesu vwẹ oma rọyen kpahotọ ro vwo ru ọhọre rẹ Ọsẹ rọyen, ji dje ọnana phia womarẹ omaebrophiyame
-
Iru 8:26-39—Ohwo rode rẹ Etiopia ọvo, rọ ga Jihova jovwo re, brorhiẹn ro vwo bromaphiyame rọ vwọ mrẹ uyota ro shekpahen Jesu Kristi nu
-
Wọ je sa Fuẹrẹn
Ẹkpahọnphiyọ rẹ Enọ rẹ Baibol Na
Die yen omaebrophiyame?
Mavọ vẹ ọke vọ yen ohwo vwo bromaphiyame? Omaebrophiyame vworo umwemwu? Die yen ofẹnẹ rẹ omaebrophiyame vẹ odẹ rẹ omaebrophiyame?
KPAHEN AVWANRE
Nokpẹn rẹ Uyono ri Baibol
Ovwan ta ota kpahen onọ ri Baibol ọvo, yẹrẹ riẹn emu efa kpahen Iseri ri Jihova.
