Idje rehẹ Baibol re sa cha avwanre uko:

• Jẹ 24:​1-4, 7​​—Ebraham rọ ghwore brorhiẹn rọ vwọ guọnọ aye vwẹ ohri rẹ ihwo re ga Jihova vwọ kẹ ọmọ rọyen Aizik, ọ dia vwo nẹ ohri rẹ ihwo ri Kenan re ga edjọ-ọ

• Jẹ 28:​1-4​​—Aizik je vuẹ ọmọ rọyen Jekọp nẹ ọ reyọ aye rẹ ihwo Kenani-i, nẹ o bru ihwo rayen ra rere ọ dia oboyin da reyọ aye

Idje rehẹ Baibol re sa cha avwanre uko:

• 1Iv 11:​1-6, 9-​11​​—Ivun miovwo Jihova ọke rẹ Ovie Solomọn vwo gbobọnyẹ iji rọyen da ra rọvwọn eya erhorha je vwẹ uphẹn kẹ ayen nẹ i miovwo ẹwẹn rọyen

• Ne 13:​23-​27​​—Kerẹ Jihova, ivun miovwo Osun Nehemaya mamọ ọke rẹ ihwo rẹ Izrẹl vwọ rọvwon eya rẹ ẹkuotọ efa re ga edjọ, ọ da ghwọku ayen je kpọ ayen vi

Idje rehẹ Baibol re sa cha avwanre uko:

• 1Sa 25:​2, 3, 14-​17​​—Nabal ọdafe, ẹkẹvuọvo ọyen orharhe ohwo ro ji vwo ọkon, ọtiọyena ọ dia omamọ oshare kẹ Abigaili-i

• Isẹ 21:9​​—A da jẹ ojẹ ra vwọ rọvwọn orharhe ohwo, ọ sa nẹrhẹ ọ bẹn e vwo vwo ufuoma vẹ omavwerhovwẹn

• Ro 7:2​​—Ọyinkọn Pọl tare nẹ aye da rọvwọn re, otọ rẹ usuon rẹ ọshare rọyen rọ dia ohwo rọ gbare-e kọyen ọ hepha; ọtiọyena, aye ro vwo aghwanre jomaotọ kpahen ohwo rọ cha reyọ kerẹ ọrivẹ rẹ orọnvwe

Idje rehẹ Baibol re sa cha avwanre uko:

• Isẹ 24:27​​—Tavwen ọshare ke rọvwọn ji vwiẹ emọ, e jẹ ọ wian gangan rere ọ vwẹrote orua rọyen

Idje rehẹ Baibol re sa cha avwanre uko:

• Ru 2:​4-7, 10-​12​​—Boaz nyo kpahen Ruth ji ni obo ro ruẹ so, ọ nọ kpahen oka rẹ ohwo rọ hepha, obo rọ vwẹrote oniorọvwe rọyen wan kugbe oyerinkugbe rọ vẹ Jihova vwori

• Ru 2:​8, 9, 20​​—Ruth vughe Boaz womarẹ o vwo vwo oniso rẹ uruemu esiri rọyen, ẹse ro ruẹ kẹ ihwo, kugbe ẹguọnọ ro vwo kpahen Jihova

Idje rehẹ Baibol re sa cha avwanre uko:

• Isẹ 5:​18, 19​​—Ihwo ivẹ re rọvwọnre ọvo yen sa bẹnẹ ohwohwo vwo dje ẹguọnọ rẹ ayen vwo kpahen ohwohwo

• Sol 1:2; 2:6​​—Osuigodẹ ọmọshare na vẹ ọmọtẹ ri Shunẹm na dje ẹguọnọ ayen vwori phia vwẹ idjerhe ro fori ọke rayen vwọ kọnphiyọ ohwohwo

• Sol 4:12; 8:​8-​10​​—A reyọ ọmọtẹ ri Shunẹm na vwo dje ogba ra kanre kidie ọ riẹn oma ghwa, o gbowọ phiyọ aghwa-a

Idje rehẹ Baibol re sa cha avwanre uko:

• Jẹ 21:​8-​12​​—Dede nẹ iroroẹjẹ ri Sera vwọphia je Ebrahamu-u, Jihova da vuẹ nẹ ọ kerhọ rọyen

• Isẹ 31:​10, 11, 16, 28​​—Ọvwaghwanre ọshare ro vwo omamọ aye rẹ ẹkpo ri Baibol nana djunute na, vwẹroso aye rọyen ji jiro, ukperẹ o vwo suon yẹrẹ gbugbon rẹ asan ro de ruchọ

• Ẹf 5:33​​—Ọyinkọn Pọl djere nẹ aye guọnọre nẹ ọshare rọyen djephia nẹ o vwo ẹguọnọ royen

Idje rehẹ Baibol re sa cha avwanre uko:

• Isẹ 1:8; 1Kọ 7:4​​—Vwẹ akpeyeren orua vẹ orọnvwe, Ọghẹnẹ vwo ogangan evo vwọ kẹ aye kugbe oni

• 1Kọ 11:3​​—Ọyinkọn Pọl tare nẹ vwẹ ọrhuẹrẹphiyotọ ri Jihova, avwanre eje hẹ otọ usuon ọvo yẹrẹ ọfa jokparẹ Ọghẹnẹ ro kpenu na ọvo

• Hib 13:​7, 17​​—Te eya te eshare yen a guọnọre nẹ e vwomakpotọ kẹ ihwo re kobaro vwevunrẹ ukoko na

Idje rehẹ Baibol re sa cha avwanre uko:

• Jẹ 18:12; 1Pi 3:​5, 6​​—Sera muọghọ okokodo kẹ ọshare rọyen, o tobọ no kerẹ “ọrovwovwe” yẹrẹ ọgbuyovwin vwẹ ubiudu rọyen

Idje rehẹ Baibol re sa cha avwanre uko:

• Jẹ 24:​62-​67​​—Rebeka vwẹ ukẹcha kẹ ọshare rọyen Aizik vwọ mrẹ ọbọngan ọke rẹ oni rọyen vwo ghwu nu

• 1Sa 25:​14-​24, 32-​38​​—Abigail vwomakpotọ rẹ Devid nẹ o ni arodọnvwẹ rọyen, ọnana da nẹrhẹ o sivwin ọshare rọyen kugbe orua rọyen

• Ẹs 4:​6-​17; 5:​1-8; 7:​1-6; 8:​3-6​​—Aye ovie re se Esta phi arhọ rọyen phiyọ ẹdia rẹ imuoshọ abọ ivẹ soso ro vwo bru ọshare rọyen ra, da ra rẹ nẹ o sivwin ihwo rẹ Ọghẹnẹ dede nẹ ovie na sere-e