Uchebro

HWORO

Uchebro

Uchebro ri Baibol vwọphia kpahen erọnvwọn sansan re sa so ofudjevwe

Ni “Ẹnwan”

Agh 9:11, 12

Ji ni Un 142:4; Agh 4:1; 7:7

Idje rehẹ Baibol re sa cha avwanre uko:
- Ru 1:11-13, 20—Ọshare ri Naomi vẹ emeshare rọyen ivẹ vwo ghwu nu, ivun miovwiro mamọ, o de ji roro nẹ Jihova kpairoro vrẹ ọyen
- Job 3:1, 11, 25, 26; 10:1—Oma vwerhẹn Job ọke rẹ efe, omakpokpọ kugbe emọ rọyen ihwe vwọ vabọ-ọ
Ẹkpo ri Baibol re vwẹ uchebro phia:
- Ro 12:19; Jem 1:13
Ikuegbe ri Baibol re sa vwẹ uchebro phia:
- Ru 1:6, 7, 16-18; 2:2, 19, 20; 3:1; 4:14-16—Naomi mrẹ aghọgho rọ vwọ rhoma rhivwin bru ihwo rẹ Ọghẹnẹ ra, ayen vwẹ ukẹcha kẹ, ọ da je vwẹ ukẹcha kẹ ihwo efa
- Job 42:7-16; Jem 5:11—Job chirakon vwọrẹ esegbuyota, Jihova de bruphiyọ kẹ gbidiki

Agh 4:1, 2

Idje rehẹ Baibol re sa cha avwanre uko:
- 1Sa 1:6, 7, 10, 13-16—Ọ da Hanah mamọ ọke rẹ Peninah vwọ reyọ vwọ jehwẹ kugbe ọke rẹ Orherẹn Rodẹ Eli vwọ reyọ vwo guẹdjọ nẹ udi muo
- Job 8:3-6; 16:1-5; 19:2, 3—Ihwo erha ri fori nẹ e vwẹ uchebro kẹ Job ni oma rayen kerẹ evwata je reyọ vwo guẹdjọ, ọ da nẹrhẹ omaemuophiyọ ri Job rhoma ganphiyọ
Ẹkpo ri Baibol re vwẹ uchebro phia:
- Un 37:8, 9; Ẹf 4:26
Ikuegbe ri Baibol re sa vwẹ uchebro phia:
- 1Sa 1:9-11, 18—Hanah vwọ ta ọdavwẹ rọyen eje kẹ Jihova nu, ẹwẹn rọyen de rhi totọ
- Job 42:7, 8, 10, 17—Job vwọ reyọ vwo ghovwo igbeyan rọyen nu, Jihova de sivwo ji bruphiyọ kẹ

Ẹzr 9:6; Un 38:3, 4, 8; 40:12

Idje rehẹ Baibol re sa cha avwanre uko:
- 2Iv 22:8-13; 23:1-3—Ọke re vwo se Urhi ri Mosis phia kẹ Ovie Josaya vẹ ihwo rọyen nu, ayen da rhe mrẹvughe nẹ ayen re abe mamọ
- Ẹzr 9:10-15; 10:1-4—Ẹwẹn rẹ abe kpopkpo orherẹn Ẹzra vẹ ihwo na mamọ kidie ayen rọvwọn eya erhorha, rọ dia obo re vwọso ọhọre ri Jihova
- Lu 22:54-62—Ọke rẹ ọyinkọn Pita vwọ sen Jesu abọ erha nu, ẹwẹn rẹ abe de kpokpo mamọ
Ẹkpo ri Baibol re vwẹ uchebro phia:
- Un 32:5; 103:9-14; Aiz 1:18; Iru 3:19
- Ji ni Aiz 38:17; Mai 7:18, 19
Ikuegbe ri Baibol re sa vwẹ uchebro phia:
- 2Ik 33:9-13, 15, 16—Manasse ọyen ọvo usun rẹ ivie ri Juda re ma bra kparobo, ẹkẹvuọvo o vwo kurhẹriẹ e de gbe arodọnvwẹ kẹ
- Lu 15:11-32—Itẹ rẹ ọmọ osoghoro rẹ Jesu kperi na djerephia nẹ Jihova vwo ghovwo ọphọphẹ, karekare

Idje rehẹ Baibol re sa cha avwanre uko:
- Ey 3:11; 4:10—Ọmraro Mosis niro nẹ ọyen muwa-an ọke ra vwọ vuẹ nẹ o bru Fero ra ji sun ihwo rẹ Ọghẹnẹ vwo nẹ Ijipt
- Jer 1:4-6—Jerimaya niro nẹ ọyen ọmotete, nẹ ọyen ji muwan rọ vwọ ga kerẹ ọmraro ri Jihova vwọ kẹ ihwo ri ru uyovwin ganga-an
Ẹkpo ri Baibol re vwẹ uchebro phia:
- Un 29:11; Aiz 40:29; 2Kọ 3:4, 5; 4:7
Ikuegbe ri Baibol re sa vwẹ uchebro phia:
- Ey 3:12; 4:11, 12—Ememerha yen Jihova vwẹ imuẹro kẹ ọmraro Mosis nẹ ọyen cha vwẹ ukẹcha kẹ vwẹ owian rọ vwọ kẹ na
- Jer 1:7-10—Jihova vwẹ imuẹro kẹ ọmraro Jerimaya nẹ ọ cha vwẹ ukẹcha kẹ vwo phi ebẹnbẹn re cha vwẹ obaro kparobọ

Un 71:9, 18; Agh 12:1-7

Idje rehẹ Baibol re sa cha avwanre uko:
- 2Iv 20:1-3—Ovie Hẹzikaya viẹre gangan fikirẹ ọga re se sivwi-in ro muro
- Fil 2:25-30—Epafroditọs she ọkuọrọn kidie ovuẹ te ukoko na obọ nẹ ọ muọga, kọ ro ẹnwan nẹ ayen che roro nẹ o ku ayen phiyotọ vwẹ owian ra vwọ kẹ
Ẹkpo ri Baibol re vwẹ uchebro phia:
- Un 92:12-14; Aiz 40:29-31; 46:4; 2Kọ 8:12
Ikuegbe ri Baibol re sa vwẹ uchebro phia:
- 2Sa 17:27-29; 19:31-38—A vwẹ ẹro ọghanghanre vwo ni Barzillai kidie ọ fuevun, dedena ọ vwomakpotọ sen owian ra vwọ kẹ ro niri nẹ ọ gannọ kẹ ọyen kidie ọ ghwore
- Un 41:1-3, 12—Ọ sa dianẹ Ovie Devid muọga ọgangan, dedena ọ vwẹroso Jihova nẹ ọ cha cha ọyen uko
- Mk 12:41-44—Jesu jiri ayeuku ọvo fikirẹ utoro ro ruru kidie obo ro vwori eje yen o phi phiyotọ