“Ẹwẹn r’Ọghẹnẹ yin mu ihwo vwo si isiesi ọfuanfon na eje.”​—⁠2 Timoti 3:⁠16, New World Translation.

Obọdẹn rẹ ẹkpahọnphiyọ vwọkẹ uvi enọ rẹ akpeyeren.​—⁠Isẹ 2:​1-5.

Ọkpọvi ra sa vwẹroso vwọ kẹ akpeyeren ri kẹdẹ kẹdẹ.​—⁠Une Rẹ Ejiro 119:105.

Uvi rẹ iphiẹrophiyọ vwọ kẹ ọke obaro na.​—⁠Rom 15:⁠4.

E, fikirẹ iroro erha siẹrẹ e da hanvwen:

• Ọrhọvwenkugbe rẹ ọbẹmrẹ. Ikpe re vrẹ 1,600 yen oma rẹ ihwo 40 sansan vwo si Baibol na. Buebun rayen mrẹ ohwohwo-o. Dede na, ọsoso rẹ ọbe na rhọvwenkugbe, vẹ uyovwinrota ọvuọvo!

• Ikuegbe rẹ awanre ruyota. Ọphẹrẹ rẹ igbikuegbe rakpọ na vwo dje unu vwote ihwo rayen rẹ e phikparobọ-ọ. Vwọ fẹnẹ ọyena, itu ri si Baibol na nẹ iyẹrẹn ruyota kpahen ichobọ romobọ vẹ oruchọ rẹ ẹgborho rayen.​—⁠2 Ikun Rivie 36:​15, 16; Une Rẹ Ejiro 51:​1-4.

• Aroẹmrẹ rẹ avwẹroso. Baibol na mraro rẹ oghwọrọ rẹ orere rawanre Babilọn oma rẹ ikpe 200 ake mrẹ oghwọrọ na. (Aizaya 13:​17-22) Ọ dia obo rẹ e che phi Babilọn kparobọ wan ọvo ọyen ọ vwọ phia-a ẹkẹvuọvo jite odẹ rẹ ohwo rẹ o che phiokparobọ!​—⁠Aizaya 45:​1-3.

Aroẹmrẹ efa buebun ri Baibol na ji rugba re kpai. Ẹkẹvuọvo ọyena dia obo rẹ wo rhẹro rọyen no Ota r’Ọghẹnẹ rhe?​—⁠2 Pita 1:​21.