UYONO 13
Dje Ọghanrovwẹ rẹ Ẹkpo na Phia
Isẹ 3:21
ỌDJẸKOKO: Vwẹ ukẹcha kẹ ihwo wọ ta ota kẹ vwo vwo ẹruọ rẹ oborẹ ota wẹn na vwo shekpahen akpeyeren rayen, wọ me je nẹrhẹ ayen riẹn oborẹ ayen cha vwẹ ovuẹ na vwo ruiruo wan.
OBO RE CHE RUO WAN:
-
Roro kpahen ihwo wọ ta ota kẹ na. Roro kpahen oboresorọ ihwo wọ ta ota kẹ na vwọ guọnọ ovuẹ na, wo ji roro kpahen ẹbẹre rọ cha ma chọn ayen uko.
-
Vwevunrẹ ota wẹn na eje, dje oborẹ ihwo na che ru vwọ kẹ ayen. Vwo nẹ ọtonphiyọ rẹ ota na, ofori nẹ ohwo ọvuọvo mrẹvughẹ nẹ ota nana cha vwẹ ukẹcha vwọ kẹ. Wọ da ta ota kpahen ẹkpo ọghanghanre ọvo, dje obo ra sa reyọ vwo ruiruo wan. Wọ ta reghe reghe-e.
