UYONO 16
Bọn Ihwo Gan Sasasa
Job 16:5
ỌDJẸKOKO: Tẹnrovi obo re sa nẹrhẹ ẹdia rẹ ihwo na yovwinphiyọ je bọn ayen gan.
OBO RE CHE RUO WAN:
-
Vwẹ omamọ ẹro vwo ni ihwo wọ ta ota kẹ na. Vwẹroso iniọvo na nẹ ayen guọnọ ru obo re vwerhen Jihova oma. Ọ da dianẹ wọ cha tobọ vwẹ uchebro vwọphia, nabọ jiri ayen tavwen siẹrẹ ẹdia na de shephiyọ.
-
Wo ghwe muomaphiyọ evuẹ ebrabra-a. Wo se djunute evuẹ ebrabra evo ọ da dianẹ e se yono norhe. Ofori nẹ ota wẹn na eje vọn vẹ evuẹ iyoyovwin.
-
Nabọ reyọ Ota rẹ Ọghẹnẹ vwo ruiruo. Rionbọ kpo oborẹ Jihova rure, obo ro ruẹ asaọkiephana, vẹ obo ro che ru kẹ ihworakpọ vwẹ ọke ọ cha na. Phiuduphiyawọ rẹ ihwo wọ ta ota kẹ na, wọ je bọn ayen gan.
