Vwẹ ukẹcha kẹ ihwo na vwọ fuẹrẹn oma rayen. Nọ enọ re sa chọn ihwo uko vwọ fuẹrẹn iroro rayen.

Jẹ ota wẹn te ubiudu rẹ ihwo. Vuẹ ihwo wọ ta ota kẹ na nẹ ayen roro kpahen oboresorọ ayen vwo ruiruo esiri. Chọn ayen uko vwo vwo omamọ rẹ ẹwẹn ro fori nẹ o mu ayen vwo ruo, kọyen ẹguọnọ re vwo kpahen Jihova, ihwo, vẹ eta rẹ Baibol na. Nene ayen roro kugbe, wọ vwẹ oma ru oyono raye-en. Ukperẹ wọ vwọ nẹrhẹ nẹ oma vo ayen, jẹ ota wẹn bọn ayen gan ji mu ayen vwọ davwẹngba rayen eje vwo ru obo ri yovwirin.

Kpọ ẹwẹn rayen vwo kpo Jihova. Kanrunumu oborẹ iyono, odjekẹ, kugbe irhi rẹ Baibol dje iruemu rẹ Ọghẹnẹ phia kugbe ẹguọnọ ro vwo kpahen avwanre. Chọn ihwo uko vwọ riẹn iroro rẹ Jihova ji ru ọhọre rọyen.