Guọnọ ovuẹ vwẹ asan ra vwẹroso. Mu eta wẹn kpahen Baibol na, ọ da dia obo wo se ru, rhie wo se. Wọ da rionbọ kpo isayẹnsi, iyẹnrẹn, ikuegbe rẹ ohwo, yẹrẹ evuẹ efa, jẹ a vwẹroso asan wọ reyọ ovuẹ na nurhe, wo mi ji vwo imuẹro nẹ ovuẹ na ji kpo awanre-e.

Vwẹ ovuẹ vwo ruiruo vwẹ idjerhe abavo. Djekpahen ẹkpo rẹ Baibol vwo nene obo ra ta vwẹ etiyin, ovuẹ rẹ Baibol na, kugbe ẹbe rẹ “odibo esiri na” vwọphia. (Mat. 24:45) Wọ da guọnọ vwẹ ovuẹ rẹ ẹbe efa vwo ruiruo, wo wene ọhọ raye-en yẹrẹ iroro rẹ ohwo ro siro-o.

Djekpahen ovuẹ na. Wo de se ẹkpo rẹ Baibol yẹrẹ ẹbe rẹ ihwo siri nu, nọ enọ yẹrẹ djekpahen ẹkpo na rere ihwo wọ ta ota kẹ na se vwo vwo ẹruọ rẹ ota wẹn na.