Jesu rhe akpọ na rọ vwọ vwẹ arhọ rọyen kpahotọ kẹ ihworakpọ ri jẹgba. Dede nẹ o ghwuru, o phi akpọ na kparobọ. Jihova fuevun kẹ Ọmọ rọyen rọ vwọ rhọvwọn nushi. Rhi duvwun ẹdẹ ughwu rọyen, Jesu vwomakpotọ vwọ wian kẹ ihwo efa ji vwo ghovwo ayen siẹrẹ ayen de ruchọ. A vwọ rhọvwọn nushi nu, Jesu da vwomaphia kẹ idibo rọyen. O yono ayen oborẹ ayen se vwo ruiruo ọghanghanre ọvo rọ vwọ kẹ ayen. Wọ da dia ọmiọvwọn, chọn ọmọ wẹn uko vwọ riẹn nẹ avwanre ji vwobọ vwẹ iruo yena nonẹna.