Inenikristi rẹ ọke rẹ awanre ghwoghwo iyẹnrẹn esiri rẹ Uvie na ro asan ri me sheri vwẹ otọrakpọ na. Jesu vwẹ odjekẹ kẹ ayen kpahen asan rẹ ayen che ghwoghwo te, ọ je chọn ayen uko vwo yono ihwo vwẹ ephẹrẹ robọ rayen vwẹ idjerhe rẹ igbevwunu. Jihova kẹ ayen uduefiogbere vẹ ẹgba vwo yerin ghene omukpahen.

Jesu kẹ ọyinkọn Jọn emramrẹ kpahen urinrin rẹ Jihova. Vwẹ emramrẹ ọfa, Jọn da mrẹ Uvie rẹ odjuvwu ro phi Eshu kparobọ, o de ji phi oba phiyọ usuon rọyen bẹdẹ bẹdẹ. Jọn je mrẹ Jesu ro suẹn kerẹ Ovie vẹ ihwo 144,000. Jọn je mrẹ otọrakpọ na eje ro hirhephiyọ iparadaisi, asan rẹ kohwo kohwo da ga cha Jihova vwọrẹ ufuoma vẹ oyerinkugbe.