Ọdjẹkoko rẹ Ẹbẹre 3
Oghwe na vwọ wan nu, Baibol na de djunute odẹ rẹ imihwo evo re ga Jihova. Ebraham ra riẹn phiyọ ugbeyan rẹ Jihova, ọyen ọvo usun rayen. Diesorọ e vwo se ugbeyan rẹ Jihova? Wọ da dia ọmiọvwọn, chọn ọmọ wẹn uko vwọ mrẹvughe nẹ Jihova vwo ọdavwẹ rọyen, ọ je guọnọ vwẹ ukẹcha vwọ kẹ. Avwanre sa yare ukẹcha rẹ Jihova ọkieje kirobo rẹ Ebraham, Lọt kugbe Jekọp ruru. Avwanre vwo imuẹro nẹ Jihova che ru ive rọyen eje gba.
E REHẸ ẸBẸRE NANA
UYONO 7
Uwevwin rẹ Babel
Ihwo evo tare nẹ ayen bọn orere rẹ enu rọyen kpenu te odjuvwu na. Diesorọ Ọghẹnẹ vwo wene ejajẹ rayen kpregede?
UYONO 8
Ebraham vẹ Sera Nyupho rẹ Ọghẹnẹ
Diesorọ Ebraham vẹ Sera vwọ yanjẹ uwevwin rayen vwo vwẹ orere rẹ Ur ra dia erhorha vwẹ otọ rẹ Kenan?
UYONO 9
O Vwiẹ Ọmọshare Re!
Idjerhe vọ yen Ọghẹnẹ che vwo ru ive ro ve kẹ Ebraham na gba? Ọmọ rẹ Ebraham vọ yen che vwobọ vwẹ orugba rẹ ive na, Aizik gbanẹ Ishmael?
UYONO 10
Karophiyọ Aye rẹ Lọt
Ọghẹnẹ nẹrhẹ osio rẹ erhanre vẹ ibieragha rhọ ku Sodọm vẹ Gomora. Diesorọ a vwọ ghwọrọ irere yena? Diesorọ avwanre vwọ karophiyọ aye rẹ Lọt?
UYONO 11
Ọdavwini rẹ Esegbuyota
Ọghẹnẹ da vuẹ Ebraham: ‘Biko, reyọ ọmọ wẹn vuọvo na vwo ze izobo vwẹ ugbenu rọhẹ Moriah.’ Die yen Ebraham che ru kpahen ọdavwini nana?
UYONO 12
Jekọp Riuku Na
Aizik vẹ Rebeka vwo ejimẹ re se Isọ kugbe Jekọp. Ọ vwọ dianẹ Isọ yehẹ ọmọkpako na, ọyen yen a cha vwẹ uku na vwọ kẹ. Diesorọ ọ vwọ shẹ uku rọyen fikirẹ omoze rẹ emu?
UYONO 13
Jekọp vẹ Isọ Rhuẹrẹ Kugbe
Mavọ yen Jekọp sa vwọ reyọ ebruphiyọ mie amakashe? Idjerhe vọ yen ọ vẹ Isọ vwọ rhuẹrẹ kugbe?
