Oghwe na vwọ wan nu, emọ rẹ Noa vẹ eya rayen de rhi vwiẹ emọ buebun. Ayen vwo buẹnphiyọ na, ayen da rhe hra nene otọrakpọ na kirobo rẹ Jihova vuẹ ayen.

Ẹkẹvuọvo, ihwo evo nyupho rẹ Jihova-a. Ayen da ta: ‘E jẹ a bọn orere ọvo, a dia evun rọyen. Avwanre cha bon uwevwin rode rẹ enu rọyen kpenu te odjuvwu na. Kẹ avwanre che titi.’

 JOma vwerhen Jihova kpahen oborẹ ihwo na ruẹ na-a, o de brorhiẹn nẹ ọ cha dobọ rayen ji. Wọ riẹn obo ro ruru? O de wene ejajẹ rayen siẹvuọvo. Ọ vwọ dianẹ ayen rhe nyo oborẹ ohwohwo ta na-a, owian na da dobọji. E de se orere rẹ ayen bọn jovwo na, Babel, ro mudiaphiyọ “Ọyanghan.” Ihwo na ke rhe hra nene akpọneje. Jẹ, ayen ji ru erharhe erọnvwọn vwẹ asan kpokpọ rẹ ayen dia na. Ohwo ro vwo ẹguọnọ rẹ Jihova je herọ? Uyono rọ vwọ kpahen ọnana cha kpahenphiyọ onọ nana.