Ẹbẹre nana gbikun rẹ akpeyeren rẹ Ovie Sọl vẹ Ovie Devid, uvwre rẹ ẹgbukpe 80. Ẹsosuọ, Sọl ohwo rọ vwomakpotọ rọ je djoshọ rẹ Ọghẹnẹ, ẹkẹvuọvo o de rhi wene ọ da sen odjekẹ rẹ Jihova. Jihova da siọn, ọ da vuẹ Samuẹl nẹ o re ku evwri ku Devid kerẹ ovie rọ cha reyọ ẹdia rẹ Sọl. Fikirẹ omaẹriọ, Sọl da davwẹngba ọke buebun o vwo hwe Devid, ẹkẹvuọvo Devid ru orukeri-i. Ọmọ rẹ Sọl re se Jonatan riẹnre nẹ Devid yen Jihova jẹreyọ, ọtiọyena ọ da fuevun kẹ Devid. Devid ru imwemwu egangan evo, ẹkẹvuọvo o rhiabọreyọ ọghwọku rẹ Jihova. Wọ da dia ọmiọvwọn, chọn ọmọ wẹn uko vwọ mrẹ ọghanrovwẹ re vwo nene ọrhuẹrẹphiyotọ rẹ Ọghẹnẹ ọkieje.